തിരുവനന്തപുരം: കേരളത്തില് സ്വര്ണവിലയില് ഇന്ന് വന് കുതിപ്പ്. ആഗോള വിപണിയിലും വില വര്ധിച്ചിട്ടുണ്ട്. ഇതിന്റെ പ്രതിഫലനമാണ് കേരളത്തിലും കണ്ടത്. 22 കാരറ്റ് സ്വര്ണം ഗ്രാമിന് 210 രൂപയാണ് വര്ധിച്ചിരിക്കുന്നത്. 13430 രൂപയാണ് ഇന്നത്തെ ഗ്രാം വില. അതേസമയം പവന് സ്വര്ണത്തിന് 1680 രൂപ വര്ധിച്ച് 107440 രൂപയായി.
ഈ മാസം സ്വര്ണത്തിന് രേഖപ്പെടുത്തിയ ഏറ്റവും ഉയര്ന്ന പവന് വില 107800 രൂപയായിരുന്നു. ഏകദേശം അതിലേക്ക് അടുത്തിരിക്കുകയാണ് സ്വര്ണം. വരുംദിവസങ്ങളിലും ഇതേ കുതിപ്പ് തുടര്ന്നാല് റെക്കോര്ഡിലേക്ക് കുതിച്ചേക്കും. 18 കാരറ്റ് സ്വര്ണം ഗ്രാമിന് 175 രൂപ വര്ധിച്ച് 11035 രൂപയായി. പവന് 88280 രൂപയുമായി.
14 കാരറ്റ് സ്വര്ണം ഗ്രാമിന് 8595 രൂപയും പവന് 68760 രൂപയുമാണ് നല്കേണ്ടത്. 9 കാരറ്റ് ഗ്രാമിന് 5545 രൂപയും പവന് 44360 രൂപയും നല്കണം. വെള്ളിയുടെ ഗ്രാം വില 240 രൂപയും പത്ത് ഗ്രാമിന് 2400 രൂപയുമാണ് ഇന്ന്. ആഗോള വിപണിയില് ഔണ്സ് സ്വര്ണത്തിന് 4132 ഡോളറാണ് പുതിയ നിരക്ക്.
SUMMARY: Gold rate is increased
