കണ്ണൂർ: തനിക്കെതിരെ ചില ഓണ്ലൈൻ, സാറ്റലൈറ്റ് ചാനലുകളും പത്രങ്ങളും വ്യാജപ്രചാരണം നടത്തുന്നുവെന്ന് ആരോപിച്ചു പി.കെ. ശ്രീമതി മാധ്യമങ്ങള്ക്ക് മുന്നില് പൊട്ടിക്കരഞ്ഞു. പി.ആർ. കൃഷ്ണൻ എന്ന എംഎല്എയുടെ ഭാര്യയെന്ന വ്യാജേന കുടുംബ പെൻഷൻ വാങ്ങുന്നു എന്ന തരത്തിലുള്ള പ്രചാരണം തീർത്തും അസത്യവും അടിസ്ഥാനരഹിതവുമാണെന്ന് അവർ വ്യക്തമാക്കി.
വസ്തുതകള് അന്വേഷിക്കാതെ തന്നെ അപമാനിക്കാൻ ബോധപൂർവ്വം നടത്തിയ പ്രചാരണമാണിതെന്നും അവർ പറഞ്ഞു. 50 കൊല്ലമായി താൻ ഈ സമൂഹത്തിലുണ്ട്. ഇത്തരം വാർത്തകള് കൊടുക്കും മുമ്പ് ഇതില് വസ്തുതയുണ്ടോ എന്ന് തന്നോട് ഒരു വാക്ക് ചോദിച്ചിട്ടില്ലെന്നും ശ്രീമതി പറഞ്ഞു.
ഇതിനെതിരെ കേസ് കൊടുക്കാൻ ആവശ്യമായ തെളിവുകള് രണ്ട് ദിവസം മുമ്പ് തന്നെ ശേഖരിച്ച് അഭിഭാഷകനെ ഏല്പ്പിച്ചിട്ടുണ്ട്. ഒരു പൊതുപ്രവർത്തകയ്ക്ക് സമൂഹത്തില് അവമതിപ്പ് ഉണ്ടാക്കുക എന്ന ഉദ്ദേശത്തോടെയാണ് ഇത്തരം വാർത്തകള് പ്രചരിപ്പിക്കുന്നത്. പലപ്പോഴും എനിക്കെതിരെ ഇത്തരം തെറ്റായ വാർത്തകള് ഉണ്ടായിട്ടുണ്ടെന്നും ശ്രീമതി കൂട്ടിച്ചേർത്തു.
SUMMARY: P.K. Sreemathi says fake news is being constantly circulated and that she will file a defamation suit
