ബെംഗളൂരു: മൗവ്വഞ്ചേരി മഹൽ ബെംഗളൂരു ശാഖാ കമ്മിറ്റി സംഘടിപ്പിക്കുന്ന മൗവ്വഞ്ചേരി മഹൽ സംഗമം ഒക്ടോബർ മൂന്ന് ശനിയാഴ്ച ബെംഗളൂരുവില് നടക്കും. വിവിധ കാലങ്ങളില് ജോലിക്കും കച്ചവടത്തിനും ഉപരിപഠനത്തിന്നുമായി കണ്ണൂർ മൗവ്വഞ്ചേരിയിൽ നിന്നും ബെംഗളൂരുവില് എത്തിയ നാട്ടുകാരെ തമ്മിൽ ബന്ധപ്പെടുത്താനും പരിചയപ്പെടുത്താനുമുള്ള ഒരു സംഗമമായിരിക്കും ഇതെന്ന് മൗവ്വഞ്ചേരി മഹൽ ബെംഗളൂരു ശാഖാ ജനറൽ സെക്രട്ടറി ടി സി സിറാജ് അറിയിച്ചു. പരിപാടിയിൽ മഹൽ നിവാസികൾക്കായി പ്രത്യേക കലാ കായിക മത്സരങ്ങൾ ഏർപ്പെടുത്തുമെന്നും അദ്ദേഹം പറഞ്ഞു.
എം എം എ ഷാഫി മസ്ജിദിൽ വെച്ച് ചേർന്ന യോഗത്തിൽ മഹൽ പ്രസിഡന്റ് സി എച്ച് ആർ ഹാരിസ് അദ്യക്ഷത വഹിച്ചു. മഹൽ ഖത്തീബ് ഷെരീഫ് ദാരിമി ഉദ്ഘാടനം ചെയ്തു. സി കെ നസീർ ഹാജി, എം പി നൗഷാദ്, വി സി മുനീർ, സജ്നാസ് കൂടാളി, ടി വി മുസ്ഥഫ ഹാജി, റഫീഖ് മൗവ്വത്തിൽ , ടി സി സാലിഹ്, എം പി ഫസൽ, ടി സി ഷബീർ, ഷമീം എന്നിവർ പ്രസംഗിച്ചു. കെ കെ സലീം സ്വാഗതവും കെ കെ സത്താർ നന്ദിയും പറഞ്ഞു.
SUMMARY: Mauvanchery Mahal Sangamam on October 3rd
