തിരുവനന്തപുരം: സംസ്ഥാനത്ത് വീണ്ടും വൈദ്യുതി നിയന്ത്രണം ഏര്പ്പെടുത്താന് കെഎസ് ഇബി. നാളെ വൈദ്യുതി നിയന്ത്രണം ഏര്പ്പെടുത്തിയേക്കുമെന്നാണ് സൂചന. വൈകീട്ടത്തെ പീക്ക് സമയത്താകും നിയന്ത്രണം ഏര്പ്പെടുത്തുക. വൈകുന്നേരങ്ങളിലെ പീക്ക് സമയങ്ങളിൽ അത്യാവശ്യമല്ലാത്ത വൈദ്യുത ഉപകരണങ്ങളുടെ ഉപയോഗം പരമാവധി കുറച്ച് സഹകരിക്കണമെന്ന് കെ.എസ്.ഇ.ബി ഉപഭോക്താക്കളോട് അഭ്യർത്ഥിച്ചു.
കഴിഞ്ഞ 16 നാണ് ഏറ്റവും ഒടുവില് സംസ്ഥാനത്ത് വൈദ്യുതി നിയന്ത്രണം ഏര്പ്പെടുത്തിയത്. ഇന്നലെ 90 ദശലക്ഷം യൂണിറ്റ് വൈദ്യുതി ഉപഭോഗമാണ് സംസ്ഥാനത്ത് രേഖപ്പെടുത്തിയത്. ഇതില് 76 ദശലക്ഷം യൂണിറ്റും പുറത്തുനിന്നും വന്തുക നല്കി വാങ്ങിയതായിരുന്നു. എന്നാല്, നാളെ പുറത്തുനിന്നുള്ള വൈദ്യുതി ലഭ്യത കുറഞ്ഞാല് സര്ചാര്ജോ പവര്കട്ടോ ഇല്ലാതെ മുന്നോട്ടുപോകാന് കഴിയാത്ത സാഹചര്യമാണുള്ളത്.
SUMMARY: There is a possibility of power restrictions again in the state; There may be a power cut tomorrow evening
