ബെംഗളൂരു: ബെംഗളൂരു ആസ്ഥാനമായി പ്രവർത്തിക്കുന്ന പ്രമുഖ നൃത്ത പരിശീലന സ്ഥാപനമായ ആട്ടകളരിയുടെ ഓഗസ്ത് വിത്ത് മാസ്റ്റേർസിന്റെ ഭാഗമായി ഈ മാസം 17 മുതൽ 6 ദിവസം നീണ്ടു നിൽക്കുന്ന മോഹിനിയാട്ട പരിശീലന പരിപാടി സംഘടിപ്പിക്കുന്നു. പ്രശസ്ത മോഹിനിയാട്ടം കലാകാരി മേതില്‍ ദേവികയാണ് ക്ലാസുകൾ നയിക്കുന്നത്. വിൽസൺ ഗാർഡനിലെ ആട്ടക്കളരി സെന്റർ ഫോർ മൂവ്മെന്റ് ആർട്സസില്‍ ഓഗസ്റ്റ് 23 വരെയാണ് ക്ലാസുകള്‍ നടക്കുന്നത്.
വിവിധ സെഷനുകളിലായാണ് പരിശീലന പരിപാടി സംഘടിപ്പിക്കുന്നത്. എല്ലാദിവസവും രാവിലെ 10 – ഉച്ചയ്ക്ക് 1 മണിവരെയാണ് ക്ലാസുകള്‍ മോഹിനിയാട്ടത്തിന്റെ അടിസ്ഥാന സങ്കേതങ്ങൾ മുതൽ അവതരണത്തിലെ സൂക്ഷ്മതകൾ വരെ ആഴത്തിൽ മനസ്സിലാക്കാൻ അവസരമൊരുക്കുന്നതായിരിക്കും പരിശീലനകളരി. വിദ്യാർഥികളുടെ അവതരണത്തോടെയാണ് പരിശീലന കളരി അവസാനിക്കുക. രജിസ്ട്രേഷന്: https://forms.gle/aQUofE8DxGGyufD76
SUMMARY: ‘August with Masters’ at Attakalari; Mohiniyattam training camp led by Methil Devika from 17th
