ബെംഗളൂരു: ബെംഗളൂരു ആസ്ഥാനമായി പ്രവർത്തിക്കുന്ന പ്രമുഖ ആയുർവേദ ചികിത്സ കേന്ദ്രമായ ആയുഷ്മാൻ ആയുർവേദ മാതൃഭൂമി ദിനപത്രത്തിന്റെ സഹകരണത്തോടെ എച്ച്.എ.എൽ. അയ്യപ്പ ക്ഷേത്രത്തില്‍ സൗജന്യ മെഡിക്കൽ ക്യാമ്പ് സംഘടിപ്പിച്ചു. ക്ഷേത്ര സെക്രട്ടറി ടി.പി. രാധാകൃഷ്ണൻ, ആയുഷ്മാൻ മാർക്കറ്റിങ് ഹെഡ് രാധാകൃഷ്ണൻ പി. നായർ എന്നിവർ ചേർന്ന് ഉദ്ഘാടനം ചെയ്തു.
ഡോ. നിമിഷയുടെ നേതൃത്വത്തിൽ നടന്ന പരിശോധന ക്യാമ്പിൽ 700 ലേറെ ആളുകൾ പങ്കെടുത്തു. ജീവിതശൈലീ രോഗങ്ങളുൾപ്പെടെയുള്ള രോഗങ്ങൾക്കുള്ള പരിശോധന, കൗൺസിലിങ്, ബി.പി. പരിശോധന എന്നിവ ക്യാമ്പിൽ ഉണ്ടായിരുന്നു
കഴിഞ്ഞ 15 വർഷമായി ബെംഗളൂരുവിൽ ആയുർവേദ ചികിത്സാരംഗത്ത് വ്യക്തിമുദ്ര പതിപ്പിച്ച ആയുഷ്മാൻ ആയുർവേദക്ക് നഗരത്തിൽ 12 ബ്രാഞ്ചുകളുണ്ട്. കിടത്തി ചികിത്സയ്ക്ക് സൗകര്യമുള്ള 30 കിടക്കകളുള്ള ആശുപത്രി ഗുട്ടഹള്ളിയിൽ പ്രവർത്തിച്ചുവരുന്നു. കൂടുതൽ വിവരങ്ങൾക്ക്: 9071351212
SUMMARY: Ayushman Ayurveda Medical Camp
