കൊച്ചി: കൊച്ചി മെട്രോയുടെ പേര് മാറ്റുന്ന കാര്യം സര്ക്കാരിന്റെ പരിഗണനയിലില്ലെന്ന് മുഖ്യമന്ത്രി വി ഡി സതീശന്. മാധ്യമങ്ങളിലെ വാര്ത്തകള് കണ്ടാണ് ഈ വിവരം അറിയുന്നത്. ഇതുമായി ബന്ധപ്പെട്ട് ഒരു തരത്തിലുള്ള ആലോചനകളും നടന്നിട്ടില്ലെന്നും അദ്ദേഹം കൂട്ടിച്ചേര്ത്തു. സര്ക്കാര് അറിയാതെയാണ് കെഎംആര്എല് പേര് മാറ്റുന്നത് പ്രഖ്യാപിച്ചതെന്നും മുഖ്യമന്ത്രി വ്യക്തമാക്കി.
കൊച്ചി മെട്രോ റെയില് ലിമിറ്റഡ് എന്നത് കേരളം മെട്രോ റെയില് ലിമിറ്റഡ് ആക്കാന് സര്ക്കാരിന് ശുപാര്ശ ചെയ്തെന്ന കെഎംആര്എല്ന്റെ പ്രസ്താവന തള്ളിക്കളഞ്ഞാണ് മുഖ്യമന്ത്രി പ്രതികരിച്ചത്. കെഎംആര്എല്ലിന്റേത് ഏകപക്ഷീയമായ പത്രകുറിപ്പായിരുന്നുവെന്നും കൊച്ചി മെട്രോയുടെ പേര് മാറ്റം സര്ക്കാരിന്റെ ആലോചനയില് പോലുമില്ലെന്നും വി ഡി സതീശന് പറഞ്ഞു.
സര്ക്കാരിനൊട് ആലോചിക്കാതെയാണ് കെഎംആര്എല് പത്രവാര്ത്ത നല്കിയത്. പിന്നെ താനെന്തിന് പ്രതികരിക്കണമെന്നാണ് മുഖ്യമന്ത്രി ചോദിക്കുന്നത്. പറവൂരില് പുനര്ജനി പദ്ധതിയുടെ ഭാഗമായി വീടിന് തറക്കല്ലിടല് ചടങ്ങില് പങ്കെടുക്കവെയാണ് മുഖ്യമന്ത്രി ഇക്കാര്യം പറഞ്ഞത്.
SUMMARY: Renaming Kochi Metro is not under government consideration: V.D. Satheesan
