ഡല്ഹി: സുപ്രീം കോടതിയുടെ ഔദ്യോഗിക ഭാഷയായി ഹിന്ദിയെ ഉപയോഗിക്കണമെന്നാവശ്യപ്പെട്ടുള്ള ഹർജി സുപ്രീം കോടതി തള്ളി. ഔദ്യോഗിക ഭാഷയായി ഹിന്ദി ഉപയോഗിക്കുന്നത് പരിശോധിച്ച് ശുപാർശ ചെയ്യുന്നതിനായി ഒരു കമ്മീഷൻ രൂപീകരിക്കാൻ കേന്ദ്രത്തിന് നിർദേശം നല്കണമെന്നാവശ്യപ്പെട്ടുള്ള പൊതുതാത്പര്യ ഹർജിയാണ് കോടതി തള്ളിയത്.
ചീഫ് ജസ്റ്റിസ് സൂര്യകാന്ത്, ജസ്റ്റിസുമാരായ ജോയ്മല്യ ബാഗ്ചി, വി. മോഹന എന്നിവരടങ്ങിയ ബെഞ്ചാണ് ഹർജി തള്ളിയത്. ഭാഷയുമായി ബന്ധപ്പെട്ട പരിഷ്കാരങ്ങള് സുപ്രീം കോടതി ഇതിനകം തന്നെ ഭരണപരമായി ക്രമേണ നടപ്പാക്കുന്നുണ്ടെന്നും ഇത്തരം പരിഷ്കാരങ്ങള് ജുഡീഷ്യല് ഉത്തരവുകളിലൂടെ നടപ്പാക്കാനാകില്ലെന്നും കോടതി വ്യക്തമാക്കി.
രാജ്യത്തെ എല്ലാ പ്രാദേശിക ഭാഷകളെയും കോടതി ബഹുമാനിക്കുന്നുണ്ടെന്നും എല്ലാ ജനങ്ങള്ക്കും മനസിലാകുന്ന തരത്തിലായിരിക്കണം വിധിന്യായങ്ങള് പുറപ്പെടുവിക്കേണ്ടതെന്നും കോടതി പറഞ്ഞു. ഹർജിയില് ആവശ്യപ്പെട്ടിരിക്കുന്ന മാറ്റങ്ങള്ക്ക് ഭരണഘടനാ ഭേദഗതി ആവശ്യമായതിനാല് നിലവില് അതിന്റെ ആവശ്യമില്ലെന്നും കോടതി വ്യക്തമാക്കി.
SUMMARY: Proposal to make Hindi the official language of the Supreme Court rejected
