ചെന്നൈ: തമിഴ്നാട്ടില്‍ സ്ത്രീകള്‍ക്കും ട്രാന്‍സ്ജെന്‍ഡര്‍ വിഭാഗങ്ങള്‍ക്കുമുള്ള സൗജന്യ ബസ് യാത്രാ പദ്ധതി വിപുലീകരിച്ച്‌ മുഖ്യമന്ത്രി ജോസഫ് വിജയ്. കോയംപേട് ബസ് സ്റ്റാൻഡില്‍ നടന്ന പ്രത്യേക ചടങ്ങിലാണ് പദ്ധതി ഉദ്ഘാടനം ചെയ്യപ്പെട്ടത്. മുമ്പ് ചില പ്രത്യേക നഗര ബസുകളില്‍ മാത്രമായി പരിമിതപ്പെടുത്തിയിരുന്ന സൗജന്യ യാത്രാസൗകര്യമാണ്, തിരഞ്ഞെടുപ്പ് വാഗ്ദാനങ്ങളുടെ അടിസ്ഥാനത്തില്‍ ഇപ്പോള്‍ എക്‌സ്പ്രസ്, ലിമിറ്റഡ്, ഡീലക്‌സ്, മൊഫ്യൂസല്‍ തുടങ്ങിയ എല്ലാ പ്രധാന സർക്കാർ ബസുകളിലേക്കും വ്യാപിപ്പിച്ചിരിക്കുന്നത്.
തമിഴ്‌നാട് സർക്കാർ ട്രാൻസ്‌പോർട്ട് കോർപറേഷന്റെ കീഴിലുള്ള ആകെ 12,692 ബസുകളില്‍ ലഭ്യമാകുന്ന ഈ സേവനത്തിലൂടെ സംസ്ഥാനത്തുടനീളമുള്ള ഏകദേശം 84.32 ലക്ഷത്തോളം സ്ത്രീകള്‍ക്ക് ദിവസേന യാതൊരുവിധ യാത്രാക്കൂലിയും ഇല്ലാതെ സൗജന്യമായി യാത്ര ചെയ്യാനുള്ള അവസരമാണ് ഇതിലൂടെ യാഥാർത്ഥ്യമായിരിക്കുന്നത്.
SUMMARY: Free bus travel for women: Scheme expanded in Tamil Nadu
