തിരുവനന്തപുരം: ഇന്ത്യയുടെ മുഖ്യ തിരഞ്ഞെടുപ്പ് കമ്മീഷണർ (CEC) ഗ്യാനേഷ് കുമാറിനെതിരെ കേസ് രജിസ്റ്റർ ചെയ്യാൻ വിജിലൻസിന് പുറമെ ക്രൈംബ്രാഞ്ചും ഒരുങ്ങുന്നു. കേരളത്തില്‍ പ്രവർത്തിച്ചിരുന്ന കാലത്ത് ഉയർന്ന അഴിമതി ആരോപണങ്ങളിലും അനുബന്ധ സംഭവങ്ങളിലും പുതിയ തെളിവുകള്‍ ശേഖരിക്കുന്നതിന്റെ ഭാഗമായാണ് ഈ നീക്കം. മലേഷ്യൻ കമ്പനിയുടെ പ്രൊജക്‌ട് മാനേജറുടെ ആത്മഹത്യയെക്കുറിച്ച്‌ വിശദമായ പുനരന്വേഷണമാണ് അന്വേഷണ ഏജൻസികള്‍ ലക്ഷ്യമിടുന്നത്.
ഇതിനായി ഇദ്ദേഹത്തിൻ്റെ ബന്ധുക്കളുടേതടക്കം മൊഴിയെടുക്കാനും ശ്രമം നടത്തും. അതേസമയം, ഗ്യാനേഷ് കുമാറിനെതിരെ 2006 കാലഘട്ടത്തില്‍ നടന്ന വിജിലൻസ് അന്വേഷണങ്ങളുടെ ഫയലുകളും അനുബന്ധ രേഖകളും വിശദമായി പരിശോധിച്ച എസ്.പിമാർ ഇന്ന് വിജിലൻസ് ഡയറക്ടർക്ക് ഔദ്യോഗിക റിപ്പോർട്ട് സമർപ്പിക്കും. ഈ റിപ്പോർട്ടിന്റെ അടിസ്ഥാനത്തിലായിരിക്കും വിജിലൻസിന്റെയും ക്രൈംബ്രാഞ്ചിന്റെയും തുടർന്നുള്ള നിയമനടപടികള്‍.
SUMMARY: The net tightens around Chief Election Commissioner Gyanesh Kumar; indications suggest the Crime Branch may also register a case, in addition to the Vigilance department
