കൊച്ചി: ചേരാനല്ലൂരിൽ പുലർച്ചെയുണ്ടായ വാഹനാപകടത്തിൽ സ്കൂട്ടർ യാത്രക്കാരൻ മരിച്ചു. മാഞ്ഞാലി സ്വദേശി ജയബാലകൃഷ്ണനാണ് മരിച്ചത്. സ്കൂട്ടറിൽ സഞ്ചരിക്കുകയായിരുന്ന ജയബാലകൃഷ്ണന്റെ പിന്നിൽ കാർ ഇടിച്ചാണ് മരണം. കാർ ഓടിച്ചിരുന്ന 17 വയസ്സുകാരനെ പോലീസ് കസ്റ്റഡിയിലെടുത്തു.
തട്ടുകട അടച്ച് ജയബാലകൃഷ്ണൻ വീട്ടിലേക്ക് മടങ്ങുമ്പോഴായിരുന്നു അപകടം. അപകടത്തില്‍ സ്‌കൂട്ടര്‍ ഏതാണ്ട് പൂര്‍ണമായും തകര്‍ന്നു. കാര്‍ അമിത വേഗത്തിലായിരുന്നോ എന്നതുള്‍പ്പെടെയുള്ള വിശദാംശങ്ങള്‍ പരിശോധിച്ചു വരികയാണ് പോലീസ്. സി സി ടി വി ദൃശ്യങ്ങള്‍ കേന്ദ്രീകരിച്ചാണ് പരിശോധന. കൊച്ചിയിലെ തന്നെ നെടുമ്പാശ്ശേരിയില്‍ 19കാരന് ഓടിച്ച കാറിടിച്ച് മൂന്ന് യുവാക്കള്‍ മരിച്ച സംഭവത്തിനു പിന്നാലെയാണ് വീണ്ടും സമാനമായ രീതിയിലൊരു അപകടം സംഭവിച്ചിരിക്കുന്നത്.
SUMMARY: Scooter rider dies tragically after being hit by a car driven by a 17-year-old
