അടിമാലി: ഇടുക്കി മാങ്കുളത്ത് ഏലത്തോട്ടത്തിൽ മരം വീണ് രണ്ട് തോട്ടം തൊഴിലാളികൾ മരിച്ചു. മാങ്കുളം സിങ്ക്കുടിയില്‍ നടന്ന അപകടത്തില്‍ ആദിവാസി ഉന്നതിയിലെ താമസക്കാരായ സില്ലിയമ്മ (65), വീരലക്ഷ്മി (45) എന്നിവരാണ് മരിച്ചത്. അപകടത്തിൽ ഗുരുതരമായി പരിക്കേറ്റ ഇരുവരെയും ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹങ്ങൾ അടിമാലി താലൂക്ക് ആശുപത്രിയിലേക്ക് മാറ്റി. കേന്ദ്ര കാലാവസ്ഥാ വകുപ്പ് ഓറഞ്ച് അലർട്ട് പ്രഖ്യാപിച്ച ഇടുക്കി ജില്ലയിൽ ശക്തമായ മഴയും കാറ്റും തുടരുകയാണ്.
SUMMARY: Tree falls in a cardamom plantation in Idukki; two female workers meet a tragic end.
