തിരുവനന്തപുരം: മുൻ മേയറും സിപിഎം ജില്ലാ കമ്മിറ്റി അംഗവുമായ ആര്യാ രാജേന്ദ്രൻ തലസ്ഥാനം വിടുന്നു. കോഴിക്കോട് ജില്ലയിൽ താമസിച്ച് പ്രവർത്തിക്കാനുള്ള ആര്യയുടെ ആവശ്യം തിരുവനന്തപുരം ജില്ലാ കമ്മിറ്റി അംഗീകരിച്ചു. സംസ്ഥാന നേതൃത്വത്തിന്‍റെ തുടർ തീരുമാനത്തിന് ശേഷമായിരിക്കും പ്രഖ്യാപനം. പാർട്ടിയുടെ അനുമതി ലഭിച്ചാൽ ആര്യയുടെ രാഷ്ട്രീയ പ്രവർത്തന കേന്ദ്രം കോഴിക്കോട്ടേക്ക് മാറും,.
തിരുവനന്തപുരം കോർപ്പറേഷനിൽ ഏറ്റവും പ്രായം കുറഞ്ഞ സ്ഥാനാർത്ഥിയായിട്ടാണ് ആര്യ രാജേന്ദ്രൻ എത്തിയത്. തുടർന്ന് രാജ്യത്തെ തന്നെ ഏറ്റവും പ്രായം കുറഞ്ഞ മേയർ എന്ന സ്ഥാനത്തേക്കും എത്തി. മേയർ ആയിരിക്കെ 2020 സെപ്തംബറിൽ സച്ചിൻ ദേവ് എം.എൽ.എയുമായി വിവാഹം കഴിഞ്ഞു. ഇത്തവണത്തെ കോർപ്പറേഷൻ തിരഞ്ഞെടുപ്പിൽ ആര്യ മത്സരിച്ചിരുന്നില്ല. നഗരസഭയിൽ എൽ.ഡി.എഫിന്റെ കനത്ത പരാജയത്തിന് പിന്നാലെ ആര്യക്കെതിരെ വിമ‌ർശനങ്ങൾ ഉയർന്നിരുന്നു. സി.പി.എം തിരുവനന്തപുരം ജില്ലാ കമ്മിറ്റിയംഗവും ഡി.വൈ.എഫ്.ഐ സംസ്ഥാന സെക്രട്ടേറിയറ്റ് അംഗവുമാണ് ആര്യ. ഡി.വൈ.എഫ്.ഐ നേതാവെന്ന നിലയിൽ കോഴിക്കോട്ടെ സംഘടനാ പരിപാടികളിൽ ആര്യ സജീവമാണ്.
SUMMARY: Arya Rajendran is leaving the capital; her new sphere of activity will be Kozhikode.
