പാലക്കാട്: മുണ്ടൂരിൽ വീടിന്റെ പില്ലറിനായി കുഴിച്ച കുഴിയിൽ വീണ് അഞ്ച് വയസുകാരിക്ക് ദാരുണാന്ത്യം. മുണ്ടൂർ സ്വദേശികളായ ജഗദീഷ്–തുളസി ദമ്പതികളുടെ മകൾ അനുശ്രീയാണ് മരിച്ചത്. വീടിന് സമീപം കളിക്കുന്നതിനിടെയാണ് കുട്ടി വെള്ളം നിറഞ്ഞ പില്ലർ കുഴിയിൽ വീണത്.
കുട്ടിയെ കാണാതായതോടെ രക്ഷിതാക്കള്‍ നടത്തിയ തെരച്ചിലിലാണ് കുഴിയില്‍ വീണ നിലയില്‍ കണ്ടെത്തിയത്. ഉടന്‍ തന്നെ പുറത്തെടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പാലക്കാട് ജില്ലാ ആശുപത്രിയിലേക്ക് മാറ്റിയിരിക്കുകയാണ്.
SUMMARY: Five-year-old girl dies tragically after falling into a pit dug for a house pillar.
