കൊല്ലം: കൊട്ടിയത്ത് ഓക്സിലിയം സ്കൂളിലെ മുപ്പതിലേറെ വിദ്യാർഥികള്ക്ക് ദേഹാസ്വാസ്ഥ്യം അനുഭവപ്പെട്ടു. ശ്വാസംമുട്ടല്, തലവേദന, ഛർദി തുടങ്ങിയ ലക്ഷണങ്ങള് പ്രകടിപ്പിച്ച കുട്ടികളെ സമീപത്തെ ആശുപത്രിയില് പ്രവേശിപ്പിച്ചു. ടാർ മിക്സിങ് പ്ലാന്റില് നിന്നുള്ള പുക ശ്വസിച്ചതിനെ തുടർന്നാണ് വിദ്യാർഥികള്ക്ക് ദേഹാസ്വാസ്ഥ്യം അനുഭവപ്പെട്ടത് എന്നാണ് പുറത്തുവരുന്ന റിപ്പോർട്ടുകള്.
വിദ്യാർഥികള്ക്ക് ഓക്സിജൻ സഹായം ഉള്പ്പെടെയുള്ള ചികിത്സ നല്കി നിരീക്ഷണത്തിലാക്കിയിരിക്കുകയാണ്. ടാർ മിക്സിങ് പ്ലാന്റില് നിന്നുള്ള പുക ശ്വസിച്ചതാകാം കുട്ടികളുടെ ആരോഗ്യപ്രശ്നങ്ങള്ക്ക് കാരണമെന്നാണ് പ്രാഥമിക നിഗമനം. ഇതേ പ്ലാന്റില് നിന്നുള്ള പുക കാരണം മുമ്പും സ്കൂളിലെ ഇരുപതിലേറെ വിദ്യാർഥികള്ക്ക് ശാരീരിക അസ്വസ്ഥതകള് ഉണ്ടായിരുന്നതായി റിപ്പോർട്ടുണ്ട്. അന്ന് പരാതി ഉയർന്നതിനെത്തുടർന്ന് പഞ്ചായത്ത് ഇടപെട്ട് പ്ലാന്റിന്റെ പ്രവർത്തനം നിർത്തിവച്ചിരുന്നു.
എന്നാല് കോടതി ഇടപെടലിനെത്തുടർന്ന് രണ്ട് ദിവസം മുൻപാണ് പ്ലാന്റ് വീണ്ടും പ്രവർത്തനം ആരംഭിച്ചത്. പ്ലാന്റില് നിന്നുള്ള പുക കാരണം പ്രദേശവാസികളും ഏറെക്കാലമായി ആരോഗ്യപ്രശ്നങ്ങള് നേരിടുന്നുണ്ടെന്നാണ് നാട്ടുകാരുടെ പരാതി. പ്ലാന്റിന്റെ പ്രവർത്തനം വീണ്ടും ആരംഭിച്ചതിനു പിന്നാലെ വിദ്യാർഥികള്ക്ക് ദേഹാസ്വാസ്ഥ്യം ഉണ്ടായത് പ്രദേശത്ത് ആശങ്ക വർധിപ്പിച്ചിട്ടുണ്ട്.
SUMMARY: School students fall ill in Kollam; over 40 children hospitalized















