ബെംഗളൂരു: വൈദ്യുതി വിതരണ ശൃംഖലയിലെ ത്രൈമാസ അറ്റകുറ്റപ്പണികളുടെ ഭാഗമായി ബെംഗളൂരുവിലെ വിജയനഗർ, ബ്യാദരഹള്ളി 66/11 കെ.വി. വൈദ്യുതി വിതരണ കേന്ദ്രങ്ങളിൽ ഇന്ന് വൈദ്യുതി മുടങ്ങും. ഇതിന്റെ ഭാഗമായി നഗരത്തിന്റെ പടിഞ്ഞാറൻ മേഖലകളിലെ വിവിധ പ്രദേശങ്ങളിൽ വൈദ്യുതി വിതരണം തടസ്സപ്പെടുമെന്ന് ബെസ്കോം അറിയിച്ചു.
ബസവേശ്വരനഗർ, ഗോവിന്ദരാജനഗർ, കമാക്ഷിപാളയ, ആർ.പി.സി. ലേഔട്ട്, ബിന്നി ലേഔട്ട്, നാഗരഭാവി, ഹെറോഹള്ളി, സുങ്കതകട്ടെ, ഹെഗ്ഗനഹള്ളി തുടങ്ങിയ പ്രദേശങ്ങളെയാണ് വൈദ്യുതി മുടക്കം ബാധിക്കുക.
വൈദ്യുതി വിതരണ സംവിധാനത്തിന്റെ അറ്റകുറ്റപ്പണിയും പരിപാലനവും ലക്ഷ്യമിട്ടാണ് പ്രവൃത്തികൾ നടത്തുന്നത്. അതിനാൽ ഉപഭോക്താക്കൾ ആവശ്യമായ മുൻകരുതലുകൾ സ്വീകരിക്കണമെന്ന് അധികൃതർ നിർദേശിച്ചു.
SUMMARY: Maintenance work; power supply to be disrupted in some areas of Bengaluru today















