ബെംഗളൂരു: കെംപെഗൗഡ അന്താരാഷ്ട്ര വിമാനത്താവളത്തിൽ ഏകദേശം 12 ലക്ഷം രൂപ വിലമതിക്കുന്ന വ്യാജ സിഗരറ്റുകൾ പിടികൂടി. കംബോഡിയയിൽനിന്ന് വിമാനത്തിലെത്തിയ യാത്രക്കാരനിൽനിന്നാണ് അഞ്ച് കാർട്ടണുകളിലായി സൂക്ഷിച്ചിരുന്ന സിഗരറ്റുകൾ പിടിച്ചെടുത്തത്.
ഹെയ്ദർ എന്ന യാത്രക്കാരനാണ് സിഗരറ്റുകൾ കൊണ്ടുവന്നത്. സിഗരറ്റുകളുടെ ആധികാരികത സംബന്ധിച്ച് സംശയം ഉയർന്നതിനെത്തുടർന്ന് നടത്തിയ പരിശോധനയിലാണ് വ്യാജ ഉൽപ്പന്നങ്ങളാണെന്ന് കണ്ടെത്തിയതെന്നാണ് വിവരം. ഐടിസി കമ്പനിയുടെ പ്രതിനിധിയിൽനിന്ന് ലഭിച്ച വിവരവും പരിശോധനയ്ക്ക് സഹായകമായി.
സംഭവവുമായി ബന്ധപ്പെട്ട് യാത്രക്കാരനെ പോലീസ് കസ്റ്റഡിയിലെടുത്ത് ചോദ്യം ചെയ്തു. പിടിച്ചെടുത്ത സിഗരറ്റുകളുടെ ഉറവിടം, കടത്തുമായി ബന്ധപ്പെട്ട് മറ്റാർക്കെങ്കിലും പങ്കുണ്ടോ തുടങ്ങിയ കാര്യങ്ങളിൽ അന്വേഷണം തുടരുകയാണ്.
SUMMARY: Fake cigarettes worth Rs 12 lakh seized at Bengaluru airport
















