ബെംഗളൂരു: കേരള ആർടിസിയുടെ ബെംഗളൂരുവിൽനിന്നു നിലമ്പൂരിലേക്കുള്ള രാത്രികാല സ്വിഫ്റ്റ് ഡീലക്സ് ബസ് സർവീസ് ആരംഭിച്ചു. നിലമ്പൂരില് നിന്നും ബെംഗളൂരുവിലേക്കുള്ള ആദ്യ സര്വീസ് ആര്യാടന് ഷൗക്കത്ത് എം.എല്.എ ഫ്ളാഗ് ഓഫ് ചെയ്തു. ബന്ദിപ്പൂർ വനപാതയിലൂടെ രാത്രി യാത്രയ്ക്ക് അനുമതിയുള്ള ബസ് സര്വീസാണ് ഇത്.
ബെംഗളൂരു സാറ്റലൈറ്റ് ബസ് ടെർമിനലിൽനിന്ന് രാത്രി 10നു പുറപ്പെടുന്ന ബസ് മൈസൂരു (12.16) ഗൂഡല്ലൂർ വഴി പുലർച്ചെ 5നു നിലമ്പൂരിലെത്തും. രാവിലെ 10നു നിലമ്പൂരിൽനിന്നു പുറപ്പെട്ട് വൈകിട്ട് 5നു ബെംഗളൂരുവിലെത്തും.
നിലവില് രാത്രി 10ന് നിലമ്പൂരില് നിന്നും ബെംഗളൂരുവിലേക്കുള്ള കെ.എസ്.ആര്.ടി.സി സീപ്പര് ഡീലക്സ് ബസ് സര്വീസ് സമയം ഉച്ചക്ക് 1 മണിയിലേക്ക് പുനക്രമീകരിച്ചു. ഈ ബസ് രാത്രി 8ന് ബെംഗളുരുവിലെത്തും. രാത്രി 11.45ന് ബെംഗളുരുവില് നിന്നും ആരംഭിച്ച് പിറ്റേ ദിവസം രാവിലെ 8.30ന് നിലമ്പൂരിലെത്തും. ഇതോടെ നിലമ്പൂരിലേക്കു നേരിട്ടുള്ള രാത്രി സർവീസുകളുടെ എണ്ണം രണ്ടായി. എന്നാല് രാത്രി യാത്രാ പാസില്ലാത്ത ഈ ബസ് ഗുണ്ടൽപേട്ട് അതിർത്തി ചെക്പോസ്റ്റിൽ 2 മണിക്കൂർ നിർത്തിയിടും. 687 രൂപയാണ് ടിക്കറ്റ് നിരക്ക്.
SUMMARY: Kerala RTC has launched a night-time Swift Deluxe bus service between Bengaluru and Nilambur.















