ബെംഗളൂരു: ലോക്സഭ തിരഞ്ഞെടുപ്പിൽ രാജ്യത്ത് ഇന്ത്യ മുന്നണിയും കേരളത്തിൽ യുഡിഎഫും അധികാരത്തിലെത്തുമെന്ന് കർണാടക ഉപമുഖ്യമന്ത്രി ഡി. കെ. ശിവകുമാർ. രാജ്യത്തെ ഏത് വിധേനയും സംരക്ഷിക്കുമെന്ന നിലപാട് സ്വീകരിക്കുന്ന നേതാവ് ആണ് രാഹുൽ ഗാന്ധി. അദ്ദേഹത്തിന്റെ നേതൃത്വത്തിൽ ഇന്ത്യ മുന്നണിയെ അധികാരത്തിൽ എത്തിക്കുമെന്നും ശിവകുമാർ പറഞ്ഞു.
നിലവിൽ ലോകരാജ്യങ്ങൾ ഇന്ത്യയുടെ ജനാധിപത്യ പ്രക്രിയയെയാണ് ഉറ്റുനോക്കുന്നത്. കേരളത്തിൽ ഇടത് പക്ഷത്തിനും ബിജെപിക്കും പകരം ജനങ്ങൾ യുഡിഎഫിനെ തിരഞ്ഞെടുക്കുമെന്ന് വിശ്വാസമുണ്ടെന്ന് ശിവകുമാർ പറഞ്ഞു. രാജ്യത്തെ പ്രതിപക്ഷ നേതാക്കളെ മുഴുവൻ ബിജെപി വേട്ടയാടുന്നു. എന്നാൽ കുറ്റകൃത്യം ചെയ്യുന്നവരെ ബിജെപി തൊടുന്നില്ലെന്നും അദ്ദേഹം കുറ്റപ്പെടുത്തി.
ബിജെപിയോടൊപ്പം നിൽക്കുന്ന ആളുകളെ ബിജെപി വെളുപ്പിച്ച് എടുക്കുന്നു. ബിജെപിയുടെ സഖ്യകക്ഷിയായ ജെഡിഎസിന് പരാജയമായിരിക്കും അന്തിമ ഫലമെന്നും അദ്ദേഹം പരിഹസിച്ചു.
The post ലോക്സഭ തിരഞ്ഞെടുപ്പ്; രാജ്യത്ത് ഇന്ത്യ മുന്നണിയും കേരളത്തിൽ യുഡിഎഫും അധികാരത്തിലെത്തുമെന്ന് ഡി. കെ. ശിവകുമാർ appeared first on News Bengaluru.
Powered by WPeMatico
