ബെംഗളൂരു: കർണാടകയിൽ പോലീസിന് നേരെ ഗുണ്ടാസംഘത്തിന്റെ ആക്രമണം. ഗദഗിലാണ് സംഭവം. ഗുണ്ടാസംഘം പോലീസുകാര്‍ സഞ്ചരിച്ച വാഹനം ആക്രമിച്ച് കസ്റ്റഡിയിലുള്ള പ്രതിയെ മോചിപ്പിച്ചു. ആക്രമണത്തില്‍ നാല് പോലീസ് ഉദ്യോഗസ്ഥര്‍ക്ക് പരുക്കേറ്റു. കൊപ്പാള്‍ ജില്ലയിലെ ഗംഗാവതി പോലീസ് സ്‌റ്റേഷനിലെ ഉദ്യോഗസ്ഥരാണ് ആക്രമണത്തിനിരയായത്.
ക്രിമിനല്‍ കേസ് പ്രതിയായ അംജദ് അലി എന്നയാളെ കസ്റ്റഡിയിലെടുത്ത് മടങ്ങുന്നതിനിടെയാണ് പോലീസുകാര്‍ക്ക് നേരേ ആക്രമണമുണ്ടായത്. വെള്ളിയാഴ്ച രാത്രിയായിരുന്നു സംഭവം. സ്വകാര്യവാഹനത്തിലാണ് പോലീസ് സംഘം സഞ്ചരിച്ചിരുന്നത്.
ഇവരെ പിന്തുടർന്ന് വാഹനത്തിന്റെ ചില്ലുകള്‍ അടിച്ചുതകര്‍ത്ത അക്രമിസംഘം പോലീസുകാരെയും പരുക്കേല്‍പ്പിച്ചു. പിന്നാലെ കസ്റ്റഡിയിലുണ്ടായിരുന്ന അംജദ് അലിയെ മോചിപ്പിച്ച് ഇവര്‍ കടന്നുകളയുകയായിരുന്നു. സംഭവത്തില്‍ പ്രതികള്‍ക്കായി പോലീസ് അന്വേഷണം ആരംഭിച്ചു.
TAGS: KARNATAKA | POLICE | ATTACK
SUMMARY: Goons attack police vehicle in karnataka
