തിരുവനന്തപുരം: പകല് സമയത്തെ വൈദ്യുതി ഉപയോഗത്തിന് മാത്രമായി വൈദ്യുതി നിരക്ക് കുറയ്ക്കാനും രാത്രിയിലെ പീക്ക് സമയത്തെ വൈദ്യുതി ഉപയോഗത്തിന് നിരക്ക് വര്ധിപ്പിക്കാനും ആലോചിക്കുന്നുണ്ടെന്ന് വൈദ്യുതി മന്ത്രി കെ കൃഷ്ണൻകുട്ടി. ഭൂരിഭാഗം വീടുകളിലും സ്മാര്ട്ട് മീറ്ററുകളായി. ഇതിനാല് തന്നെ ഓരോ സമയത്തെയും വൈദ്യുതി ഉപയോഗം കണക്കാനാകും.
പകല് സമയത്ത് വൈദ്യുതി ഉപയോഗം കുറവാണ്. രാത്രിയിലാണ് ഏറ്റവും കൂടുതല് വൈദ്യുതി ഉപയോഗം. ഈ സാഹചര്യത്തില് പീക്ക് സമയത്തെ വൈദ്യുതി ഉപയോഗം പരമാവധി കുറയ്ക്കുന്നതിനായാണ് ഈ സമയത്തെ ഉപയോഗത്തിന് നിരക്ക് വര്ധിപ്പിക്കുന്ന കാര്യം പരിഗണിക്കുന്നതെന്ന് കൃഷ്ണൻകുട്ടി പറഞ്ഞു.
അതേസമയം, കേരളത്തില് ആണവനിലയം പദ്ധതി ആരംഭിക്കാൻ പ്രാരംഭ ചര്ച്ചകള് പോലും നടന്നിട്ടില്ലെന്ന് മന്ത്രി പ്രതികരിച്ചു. ഇത് സര്ക്കാരിന്റെ നയപരമായ കാര്യമാണ്. കൂടുതല് ചര്ച്ചകള്ക്കുശേഷമേ തീരുമാനമെടുക്കൂ. ആണവനിലയം സംസ്ഥാനത്തിന് പുറത്തു സ്ഥാപിച്ചാലും കേരളത്തിനു വൈദ്യുതി വിഹിതം കിട്ടുമെന്നും മന്ത്രി കൂട്ടിച്ചേർത്തു.
TAGS : K KRISHNAN KUTTI | ELECTRICITY
SUMMARY : Charges will increase for electricity use during night peak hours; K Krishnankutti said that the daytime fare will be reduced
