നടൻ സിദ്ധാർത്ഥും നടി അദിതി റാവു ഹൈദരിയും വിവാഹിതരായി. അദിതി സോഷ്യല് മീഡിയയില് വിവാഹച്ചടങ്ങുകളുടെ ചിത്രങ്ങള് പങ്കുവെച്ചു. ‘ നീയാണെന്റെ സൂര്യൻ. എന്റെ ചന്ദ്രൻ, എന്റെ എല്ലാ നക്ഷത്രങ്ങളും മിസിസ് ആന്റ് മിസ്റ്റർ അദു – സിദ്ധു ‘ വിവാഹച്ചിത്രങ്ങള് പങ്കുവെച്ച് അദിതി കുറിച്ചു.
ദക്ഷിണേന്ത്യൻ ആചാരപ്രകാരമായിരുന്നു വിവാഹ ചടങ്ങുകള്. സ്വർണ നിറത്തിലുള്ള ടിഷ്യൂ ഓർഗൻസ ലെഹങ്ക ധരിച്ചാണ് അദിതി എത്തിയത്. മിനിമല് മേയ്ക്ക്പ്പ് ആയിരുന്നു. റൂബി വര്ക്കുള്ള സ്വര്ണ നെക്ലെസും ജിമിക്കിയും വളകളുമാണ് താരം ദരിച്ചത്. ക്രീം കുര്ത്തയും കസവ് മുണ്ടുമായിരുന്നു സിദ്ധാര്ഥിന്റെ വേഷം.
സിദ്ധാർഥും അദിതിയും ഏറെക്കാലമായി ലിവിംഗ് ടുഗദർ ആയിരുന്നു. 2021 ല് മഹാമസുദ്രം എന്ന സിനിമയില് ഒരുമിച്ച് അഭിനയിക്കുമ്പോഴാണ് പ്രണയത്തിലാകുന്നത്. രണ്ട് പേരുടെയും രണ്ടാം വിവാഹമാണ്. 2003 ല് സിനിമയിലെ അരങ്ങേറ്റത്തിന് പിന്നാലെയാണ് സിദ്ധാർഥ് വിവാഹിതനായത്. തന്റെ ബാല്യകാല സുഹൃത്ത് മേഘ്നയായിരുന്നു വധു. ചെറുപ്പം മുതലുള്ള പ്രണയമാണ് വിവാഹത്തിലേക്ക് എത്തിയത്.
എന്നാല് അധികനാള് ഈ ബന്ധം മുന്നോട്ട് പോയില്ല. രണ്ട് വർഷത്തോളം വേർപിരിഞ്ഞ് കഴിഞ്ഞ ശേഷമാണ് 2007 ല് ഇരുവരും വിവാഹ മോചിതരായത്. ബോളിവുഡ് നടൻ സത്യദീപ് മിശ്രയാണ് അദിതിയുടെ ആദ്യ ഭർത്താവ്. 2002 ല് ആയിരുന്നു വിവാഹം 2012 ല് വേർപിരിഞ്ഞു.
TAGS : ADITI RAO | SIDDHARTH | MARRIAGE
SUMMARY : Actress Aditi Rao and actor Siddharth got married
WhatsApp
Telegram
