ബെംഗളൂരു : നന്മ കള്ച്ചറല് ആന്റ് സോഷ്യല് ഫോറം വയനാട് പുനരധിവാസത്തിനായി മുഖ്യമന്ത്രിയുടെ ദുരിതാശ്വാസ നിധിയിലേക്ക് അറുപതിനായിരം രൂപ (Rs.60,000/-) സംഭാവന നല്കി. സെക്രട്ടറി സജിത്ത് എന്, ഖജാന്ജി ശ്രീജിത്ത് എസ് .എസ്, എക്സിക്യൂട്ടീവ് കമ്മിറ്റി അംഗംങ്ങളായ ദിലീപ് എന്, രഞ്ജിത് ആര്, അദ്ദേഹത്തിന്റെ മകന് മാസ്റ്റര്. വിസ്മയ് രഞ്ജിത് എന്നിവര് ചേര്ന്ന് ബെംഗളൂരു നോര്ക്ക ഓഫീസര് റീസ രഞ്ജിത്തിന് ചെക്ക് കൈമാറി.
കഴിഞ്ഞ എട്ട് വര്ഷമായി ബന്നാര്ഘട്ട റോഡിലെ നന്ദി വുഡ്സ് അപ്പാര്ട്മെന്റ് കേന്ദ്രീകരിച്ചു പ്രവൃത്തിക്കുന്ന അസോസിയേഷനില് പ്രധാനമായും ഐ ടി മേഖലയില് പ്രവൃത്തിക്കുന്ന നൂറോളം അംഗങ്ങളാണുള്ളത്. സാമൂഹിക, സാംസ്കാരിക, ജീവകാരുണ്യ രംഗത്ത് പ്രവൃത്തിക്കുന്ന അസോസിയേഷന്റെ നിലവിലെ പ്രസിഡന്റ് രാകേഷ് മേനോനാണ് .
നോര്ക്ക റൂട്ട്സ് വഴി മുഖ്യമന്ത്രിയുടെ ദുരിതാശ്വാസനിധിയിലേക്ക് സഹായങ്ങള് എത്തിക്കാന് താല്പ്പര്യപ്പെടുന്നവര് നോര്ക്ക റൂട്ട്സിന്റെ 080-25585090, 9483275823 എന്നി നമ്പറുകളില് ബന്ധപ്പെടാവുന്നതാണ്.
<br>
TAGS : CMDRF | NORKA ROOTS
