കണ്ണൂർ: കണ്ണൂർ പഴയങ്ങാടിയിൽ തെങ്ങ് ജെസിബി ഉപയോഗിച്ച് പിഴുതുമാറ്റുന്നതിനിടെ ദേഹത്തുവീണ് പത്തുവയസ്സുകാരന് ദാരുണാന്ത്യം. മുട്ടം കക്കാടപ്പുറം സ്വദേശി നിസാലാണ് മരിച്ചത്. പഴയങ്ങാടി മുട്ടം സ്വദേശികളായ മന്സൂറിന്റെയും സമീറയുടെയും മകനാണ് മരിച്ച നിസാല്. ശനിയാഴ്ച വൈകിട്ടായിരുന്നു അപകടം.
അപകടാവസ്ഥയിലായിരുന്ന തെങ്ങ് ജെസിബി ഉപയോഗിച്ച് പിഴുതുമാറ്റുന്നതിനിടെയായിരുന്നു സംഭവം. സമീപത്ത് കളിച്ചുകൊണ്ടിരുന്ന കുട്ടിയുടെ ദേഹത്തേക്ക് ദിശതെറ്റി തെങ്ങ് വീഴുകയായിരുന്നു. ഗുരുതരമായി പരുക്കേറ്റ കുട്ടി ആശുപത്രിയിലേക്ക് എത്തിക്കും മുമ്പേ മരണം സംഭവിക്കുകയായിരുന്നു. മുട്ടം വെങ്ങര മാപ്പിള യുപി സ്കൂളിലെ നാലാം ക്ലാസ് വിദ്യാര്ഥിയാണ്.
TAGS: KERALA | DEATH
SUMMARY: Ten year old dies after coconut tree falls on him
