കണ്ണൂർ: കണ്ണൂർ അഴീക്കലിൽ ഇതര സംസ്ഥാന തൊഴിലാളിയെ കൊല്ലപ്പെട്ട നിലയിൽ കണ്ടെത്തി. ഒഡിഷ സ്വദേശി രമേഷ് ദാസാണ് കൊല്ലപ്പെട്ടത്. അഴീക്കൽ ഹാർബറിന് സമീപം പുതുതായി നിർമിക്കുന്ന കെട്ടിടത്തിലാണ് മൃതദേഹം കിടന്നിരുന്നത്. രാവിലെ കെട്ടിടത്തിലേക്കെത്തിയ തൊഴിലാളികളാണ് മൃതദേഹം കണ്ടത്.
ഇതോടെ തൊഴിലാളികൾ പോലീസിൽ വിവരം അറിയിക്കുകയായിരുന്നു. തലയ്‌ക്ക് കല്ലിട്ട് കൊലപ്പെടുത്തിയെന്നാണ് പോലീസിന്റെ പ്രാഥമിക നിഗമനം. തലയ്‌ക്ക് ഗുരുതരമായി പരുക്കേറ്റിരുന്നു. മൃതദേഹത്തിന് സമീപത്ത് നിന്നും ചെങ്കല്ലും ലഭിച്ചതായി പോലീസ് പറഞ്ഞു. സ്ഥലത്ത് നിന്നും രണ്ട് സിം കാർഡുകളും പോലീസ് കണ്ടെടുത്തിട്ടുണ്ട്. ഇത് കേന്ദ്രീകരിച്ചും സിസിടിവി ദൃശ്യങ്ങൾ കേന്ദ്രീകരിച്ചും പോലീസ് അന്വേഷണം നടത്തി വരികയാണ്.
TAGS: KERALA | MURDER
SUMMARY: Migrant labourer found dead in Kannur
