ബെംഗളൂരു: ബെംഗളൂരു നഗരത്തിലെ യാത്രാസൗകര്യങ്ങൾ മെച്ചപ്പെടുത്തുന്നതിൽ നിർണായക ചുവടുവെപ്പായി, നമ്മ മെട്രോയുടെ പിങ്ക് ലൈൻ സർവീസ് നവംബർ 13-ന് പ്രധാനമന്ത്രി നരേന്ദ്ര മോദി ഔദ്യോഗികമായി ഉദ്ഘാടനം ചെയ്യും. ദക്ഷിണ ബെംഗളൂരുവിലെ ജനങ്ങളുടെ നീണ്ട നാളത്തെ കാത്തിരിപ്പിനാണ് ഇതിലൂടെ വിരാമമാകുന്നത്.
ಬೆಂಗಳೂರಿನ ನಮ್ಮ ಮೆಟ್ರೋದ ಬಹುನಿರೀಕ್ಷಿತ ‘ಗುಲಾಬಿ ಮಾರ್ಗ’ವು (ಪಿಂಕ್ ಲೈನ್) ನವೆಂಬರ್ 13ರಂದು ಲೋಕಾರ್ಪಣೆಯಾಗಲಿದೆ ಎಂದು ಬೆಂಗಳೂರು ದಕ್ಷಿಣ ಸಂಸದ ತೇಜಸ್ವಿ ಸೂರ್ಯ ಮಾಹಿತಿ ನೀಡಿದ್ದಾರೆ #NammaMetro #PinkLine #BangaloreMetro
https://t.co/IuWAaPuavE https://t.co/4mujjc5LfW
— vijaykarnataka (@Vijaykarnataka) November 2, 2026
പ്രധാനമന്ത്രിയുടെ സന്ദർശനം സ്ഥിരീകരിച്ചിട്ടുണ്ട്. മെട്രോ സർവീസ് മോദി ഫ്ലാഗ് ഓഫ് ചെയ്യുമെന്നും തുടർന്ന് മൈസൂരുവിലേക്ക് പോകുമെന്നും അവിടെ ഒരു പൊതുപരിപാടിയിൽ പങ്കെടുക്കുമെന്നുമാണ് റിപ്പോർട്ടുകൾ.
കലേന അഗ്രഹാര (Kalena Agrahara) മുതൽ തവരെക്കെ (Tavarekere) വരെയുള്ള 7.5 കിലോമീറ്റർ ദൈർഘ്യമുള്ള എലിവേറ്റഡ് (ആകാശപാത) പാതയാണ് ആദ്യ ഘട്ടത്തിൽ സർവീസിനായി തുറക്കുന്നത്. ബാനർഘട്ട റോഡ് മേഖലയിലെയും ഐ.ഐ.എം.ബി (IIMB) പരിസരത്തെയും യാത്രാക്കുരുക്കിന് ഇതുവഴി വലിയ തോതിൽ പരിഹാരമാകും.
കലേന അഗ്രഹാര, ഹുളിമാവു, ഐ.ഐ.എം.ബി, ജെ.പി നഗർ ഫോർത്ത് ഫേസ്, ജയദേവ ഹോസ്പിറ്റൽ, തവരെക്കെരെ എന്നീ 6 പ്രധാന സ്റ്റേഷനുകളാണ് ആദ്യ ഘട്ടത്തിലുള്ളത്. ഇതിൽ ജയദേവ ഹോസ്പിറ്റൽ സ്റ്റേഷനിൽ യെല്ലോ ലൈനുമായി പരസ്പരം മാറിക്കയറാനുള്ള (Interchange) സൗകര്യമുണ്ട്. തുടക്കത്തിൽ 6 മെട്രോ ട്രെയിനുകളാകും ഈ പാതയിൽ സർവീസ് നടത്തുക. തിരക്കേറിയ ഓഫീസ് സമയങ്ങളിൽ ആറു മിനിറ്റ് ഇടവേളകളിലും മറ്റ് സമയങ്ങളിൽ 10 മിനിറ്റ് ഇടവേളയിലുമായിരിക്കും സർവീസ് നടത്തുക.
മെട്രോ റെയിൽ സുരക്ഷാ കമ്മീഷണറുടെ (CMRS) അനുമതി ലഭിച്ചതിനെ തുടർന്നാണ് ഉദ്ഘാടനം വേഗത്തിലാക്കിയത്. കലേന അഗ്രഹാര മുതൽ നാഗാവര വരെയുള്ള മൊത്തത്തിലുള്ള പിങ്ക് ലൈൻ പദ്ധതി പൂർത്തിയാകുന്നതോടെ ബെംഗളൂരു നഗരത്തിലെ ഗതാഗത രംഗത്ത് വലിയൊരു വിപ്ലവമാകും ഇത് സൃഷ്ടിക്കുക. ആകെ 21.26 കിലോ മീറ്റർ ദൈർഘ്യമുള്ള പിങ്ക് മെട്രോയുടെ അടുത്തഘട്ടത്തിൽ ഉൾപ്പെട്ട താവരക്കെരെ മുതൽ നാഗവാര വരെയുള്ള 13.76 കിലോ മീറ്റർ ഭൂഗർഭപാത അടുത്ത വർഷം മാർച്ചിൽ സർവീസ് നടത്താൻ സാധിക്കുമെന്നാണ് പ്രതീക്ഷ.
SUMMARY: Bengaluru Metro Pink Line: Prime Minister to flag it off on November 13
