സ്വകാര്യ ബസ് കനാലിലേക്ക് മറിഞ്ഞ് എട്ട് പേർക്ക് ദാരുണാന്ത്യം

പഞ്ചാബ്: പഞ്ചാബിലെ ഭട്ടിൻഡയിൽ സ്വകാര്യ ബസ് മറിഞ്ഞ് എട്ട് പേർ മരിച്ചു. തൽവാണ്ടി സാബോ റോഡിൽ ജീവൻ സിങ് വാലയ്ക്ക് സമീപത്തെ പാലത്തിലാണ് അപകടമുണ്ടായത്. യാത്രക്കാരുമായി സർദുൽഗഡിൽ നിന്ന് ഭട്ടിൻഡയിലേക്ക് പോവുകയായിരുന്ന ബസ് പാലത്തിൽ നിന്ന് കനാലിലേക്ക് വീഴുകയായിരുന്നു.

സംഭവത്തിൽ കുട്ടികൾ ഉൾപ്പെടെ എട്ട് പേരാണ് മരിച്ചത്. നിരവധിപേരെ അടുത്തുള്ള ആശുപത്രിയില്‍ പ്രവേശിപ്പിച്ചു. അപകടത്തിൻ്റെ കൃത്യമായ കാരണം വ്യക്തമല്ല. അഞ്ച് പേർ സംഭവ സ്ഥലത്തും മൂന്നു പേര്‍ ആശുപത്രിയിൽ വച്ചും മരിച്ചതായി അധികൃതര്‍ അറിയിച്ചു.

കനത്ത മഴ കാരണം നിയന്ത്രണം വിട്ടതാകാം അപകടകാരണമെന്നാണ് പ്രാഥമിക വിവരം. 18 യാത്രക്കാർ നിലവിൽ ചികിത്സയിലാണ്. പരുക്കേറ്റവർക്ക് ചികിത്സ ഉറപ്പാക്കാൻ ആരോ​ഗ്യവകുപ്പ് ഉദ്യോ​ഗസ്ഥർക്ക് നിർദേശം നൽകിയതായി ബട്ടിൻഡ അർബൻ എം.എൽ.എ. ജഗ്രൂപ് സിങ് ഗിൽ അറിയിച്ചു.

TAGS: NATIONAL | ACCIDENT
SUMMARY: Private bus met with accident in Punjab, eight dies