ബെംഗളൂരു: മൈസൂരു അർബൻ ഡെവലപ്മെൻ്റ് അതോറിറ്റി (മുഡ) ഭൂമി ഇടപാട് കേസിൽ മുഖ്യമന്ത്രി സിദ്ധരാമയ്യയുടെ ഭാര്യ ബി. എം. പാർവതിയുടെ പേരിൽ വീണ്ടും പരാതി. വിവരാവകാശ പ്രവർത്തകൻ സ്നേഹമയി കൃഷ്ണയാണ് പാർവതിക്കെതിരെ മൈസൂരു ലോകായുക്ത പോലീസ് സൂപ്രണ്ടിന് (എസ്പി) പരാതി നൽകിയത്. മുഡ അഴിമതിയുമായി ബന്ധപ്പെട്ട് നേരത്തെ സിദ്ധരാമയ്യക്കെതിരെയും സ്നേഹമയി കൃഷ്ണ പരാതി നൽകിയിരുന്നു.
മുഡയുടെ 50:50 സ്കീം പ്രകാരം പാർവതിക്ക് അനുവദിച്ച പ്ലോട്ടുകൾ അടുത്തിടെ പിൻവലിച്ചിരുന്നു. ഇക്കാര്യത്തിൽ ദുരൂഹതയുണ്ടെന്ന് ആരോപിച്ചാണ് പരാതി. പാര്വതി മൈസൂരു വികസന അതോറിറ്റിയുടെ ഭൂമി അനധികൃതമായി കയ്യടക്കിയെന്നാണ് മുഡ അഴിമതി ആരോപണം. മലയാളിയായ ടി.ജെ. അബ്രഹാം, പ്രദീപ് കുമാര്, സ്നേഹമയി കൃഷ്ണ എന്നീ മൂന്ന് സാമൂഹ്യ പ്രവര്ത്തകര് സമര്പ്പിച്ച ഹര്ജിയുടെ അടിസ്ഥാനത്തിൽ സിദ്ധരാമയ്യക്കെതിരെ ഗവര്ണര് തവര് ചന്ദ് ഗെലോട്ട് പ്രോസിക്യൂഷന് അനുമതി നല്കിയിരുന്നു. കേസരെ ഗ്രാമത്തിലെ 3.16 ഏക്കര് ഏറ്റെടുത്തതിനുപകരം നഗരത്തിന്റെ ഹൃദയ ഭാഗത്ത് ഭൂമി അനുവദിച്ചത് സിദ്ധരാമയ്യയുടെ സ്വാധീനഫലമായാണെന്നായിരുന്നു ആരോപണം.
TAGS: KARNATAKA | MUDA SCAM
SUMMARY: Fresh complaint against CM’s Siddaramaiah wife on Muda
WhatsApp
Telegram
