ചെന്നൈ: പൊങ്കൽ പ്രമാണിച്ച് ചെന്നൈ എഗ്മോർ – മംഗളൂരു സ്പെഷ്യൽ ട്രെയിൻ സർവീസ് നാളെ. തിങ്കളാഴ്ച വൈകീട്ട് മൂന്ന് മണിക്കാണ് ട്രെയിൻ ചെന്നൈ എഗ്മോർ സ്റ്റേഷനിൽ നിന്ന് പുറപ്പെടുക. തുടർന്ന് ചൊവ്വാഴ്ച രാവിലെ 8:50ന് ട്രെയിൻ മംഗളൂരു ജംഗ്ഷനിലെത്തിച്ചേരും. പൊങ്കലിന് ചെന്നൈയിൽ നിന്ന് സേലം ഭാഗത്തേക്കും കേരളത്തിലേക്കും വരുന്നവർക്ക് ഉപകാരപ്പെടുന്ന സർവീസാണിത്.
ആകെ 19 സ്റ്റോപ്പുകളുള്ള ട്രെയിനിന് കേരളത്തിൽ മാത്രം 10 സ്റ്റോപ്പുകളാണുള്ളത്. ചെന്നൈ എഗ്മോറിൽ നിന്ന് വൈകീട്ട് മൂന്നിന് പുറപ്പെടുന്ന ട്രെയിൻ പേരമ്പൂർ 3:45, തിരുവള്ളൂർ 4:13, അരക്കോണം 4:38, കാട്പാഡി 5:43, ജോളാർപേട്ടൈ 6:58, സേലം 8:37, ഈറോഡ് 9:40, തിരുപ്പൂർ 10:33, കോയമ്പത്തൂർ 11:27 സ്റ്റേഷനുകൾ പിന്നിട്ട് ചൊവ്വാഴ്ച പുലർച്ചെ 1:55നാണ് ട്രെയിൻ പാലക്കാട് എത്തുക.
പാലക്കാട് നിന്ന് പുലർച്ചെ 2:05ന് പുറപ്പെടുന്ന ട്രെയിൻ ഷൊർണൂർ 3:00 തിരൂർ 3:43, കോഴിക്കോട് 4:27, വടകര 5:08, തലശേരി 5:33, കണ്ണൂർ 6:07, പയ്യന്നൂർ 6:34, കാഞ്ഞങ്ങാട് 7:03, കാസർകോട് 7:28 സ്റ്റേഷനുകൾ പിന്നിട്ട് 8:50 ഓടെ ട്രെയിൻ മംഗളൂരു ജംഗ്ഷനിലെത്തിച്ചേരും.
TAGS: NATIONAL | SPECIAL TRAIN
SUMMARY: Special trains from mangalore and chennai to start tomorrow
