കൊച്ചി: കളമശേരി പോളിടെക്നിക് ലഹരി കേസിൽ ഹോസ്റ്റലിലേക്ക് കഞ്ചാവെത്തിച്ച പൂർവ വിദ്യാർഥികൾ പിടിയിൽ. ആഷിക്, ഷാരിൽ എന്നിവരാണ് പിടിയിലായത്. കഴിഞ്ഞ വർഷം കോളേജിൽ നിന്നും പഠിച്ചിറങ്ങിയ വിദ്യാർത്തികളാണിവർ. പിടിയിലായ വിദ്യാർഥികളുടെ മൊഴിയില് നിന്നാണ് ഇവര്ക്കെതിരായ തെളിവുകള് ലഭിച്ചത്. രണ്ട് പേര്ക്കും ലഹരി എത്തിച്ചതില് പങ്കുണ്ടെന്ന് പോലീസ് അറിയിച്ചു. ഇരുവരെയും വിശദമായി ചോദ്യം ചെയ്യുകയാണ്.
കോളേജിന് പുറത്തുള്ളവരാണ് കഞ്ചാവ് എത്തിച്ചതെന്ന നിഗമനത്തിന്റെ അടിസ്ഥാനത്തിലാണ് പൂര്വ്വ വിദ്യാർഥികളിലേക്ക് അന്വേഷണം വ്യാപിപ്പിച്ചത്. കേസില് പിടിയിലായ മൂന്ന് വിദ്യാർഥികളില് കോളേജ് യൂണിയന് ജനറല് സെക്രട്ടറി അഭിരാജ്, ആദിത്യന് എന്നിവരെ സ്റ്റേഷന് ജാമ്യത്തില് വിട്ടയച്ചിരുന്നു.
ആകാശിനെ 14 ദിവസത്തേക്ക് റിമാന്ഡ് ചെയ്തു. ആകാശ് വിദ്യാര്ഥികള്ക്കിടയില് കഞ്ചാവ് കച്ചവടം നടത്തുന്ന വ്യക്തിയാണെന്നും, വില്പ്പന ലക്ഷ്യം വച്ചുള്ള കഞ്ചാവാണ് ഹോസ്റ്റലില് എത്തിച്ചതെന്നും പോലീസ് വ്യക്തമാക്കിയിരുന്നു. രഹസ്യ വിവരത്തിന്റെ അടിസ്ഥാനത്തില് നടത്തിയ മിന്നല് പരിശോധനയിലാണ് കഴിഞ്ഞ ദിവസം കളമശ്ശേരി ഗവണ്മെന്റ് പോളിടെക്നിക്ക് ഹോസ്റ്റലില് നിന്ന് രണ്ട് കിലോയില് അധികം കഞ്ചാവ് കണ്ടെത്തിയത്. കളമശ്ശേരി പോലീസും ഡാന്സാഫ് സംഘവുമാണ് പരിശോധന നടത്തിയത്.
<br>
TAGS : KALAMASSERY POLYTECHNIC COLLEGE | DRUG CASES
SUMMARY : Former students arrested for bringing cannabis to Kalamassery Polytechnic hostel
WhatsApp
Telegram
