ബെംഗളൂരു: വരുമാനം വർധിപ്പിക്കുന്നതിന്റെ ഭാഗമായി നമ്മ മെട്രോ കോച്ചുകളിൽ സ്വകാര്യ പരസ്യങ്ങൾ അനുവദിക്കുമെന്ന് ബിഎംആർസിഎൽ. പരസ്യദാതാക്കളെയും വാണിജ്യ സ്ഥാപനങ്ങളെയും ഇതിനായി ക്ഷണിച്ചുകൊണ്ട് ബിഎംആർസിഎൽ ടെൻഡറുകൾ വിളിച്ചിട്ടുണ്ട്. ഗ്രീൻ ലൈനിലെ 10 ട്രെയിനുകളിലും പർപ്പിൾ ലൈനിലെ 10 ട്രെയിനുകളിലുമാണ് ആദ്യഘട്ടത്തിൽ പരസ്യം അനുവദിക്കുക.
പരസ്യദാത്താക്കളുമായി 10 മാസത്തേ കരാറിൽ ബിഎംആർസിഎൽ ഒപ്പിടും. വരുമാന നേട്ടത്തെ ആശ്രയിച്ച് പദ്ധതി വിപുലീകരിക്കുമെന്ന് ബിഎംആർസിഎല്ലിന്റെ ചീഫ് പബ്ലിക് റിലേഷൻസ് ഓഫീസർ യശവന്ത് ചവാൻ പറഞ്ഞു. പരസ്യങ്ങളിൽ നിന്ന് ലഭിക്കുന്ന വരുമാനം മെട്രോ പ്രവർത്തനങ്ങൾക്കും അറ്റകുറ്റപ്പണികൾക്കും വിനിയോഗിക്കും.
TAGS: NAMMA METRO
SUMMARY: BMRCL to allow ads on coaches to raise revenue
