ബെംഗളൂരു: ചെക്ക് ബൗൺസ് കേസിൽ കർണാടക മുൻ മന്ത്രിയും നിലവിലെ ബെള്ളാരി റൂറൽ എംഎൽഎയുമായ ബി. നാഗേന്ദ്ര യെ ശിക്ഷിച്ച് ബെംഗളൂരുവിലെ പ്രത്യേക കോടതി കോടതി. നാഗേന്ദ്രയ്ക്കും കൂട്ടുപ്രതി രാജശേഖർ ചുണ്ടുരു ഭാസ്‌കറിനും 1.25 കോടി രൂപയാണ് പിഴ ചുമത്തിയത്. ജഡ്ജി കെ. എ.ൻ ശിവകുമാറിന്റെതാണ് ഉത്തരവ്.
ബിസി ഇൻഫ്രാസ്ട്രക്ചർ ആൻഡ് റിസോഴ്‌സ് കമ്പനിയുമായുള്ള ബിസിനസ് തർക്കത്തെത്തുടർന്ന് വി‌എസ്‌എൽ സ്റ്റീൽസ് ലിമിറ്റഡിന്റെ പ്രതിനിധി നൽകിയ പരാതിയിലാണ് നടപടി. ഇരുവരും പിഴ അടയ്ക്കുന്നതിൽ വീഴ്ച വരുത്തിയാൽ, ഒരു വർഷം തടവ് ശിക്ഷ അനുഭവിക്കണം.
2024 ജൂലൈയിൽ, വാൽമീകി പട്ടികവർഗ വികസന കോർപ്പറേഷൻ ലിമിറ്റഡ് കേസുമായി ബന്ധപ്പെട്ട് നാഗേന്ദ്രയെ അറസ്റ്റ് ചെയ്തിരുന്നു. തുടർന്ന് ഒക്ടോബറിൽ, ജനപ്രതിനിധികൾക്കായുള്ള പ്രത്യേക കോടതി അദ്ദേഹത്തിന് ജാമ്യം അനുവദിച്ചിരുന്നു. ഇതിന് പിന്നാലെയാണ് പുതിയ കേസ്.
TAGS: KARNATAKA
SUMMARY: Former karnataka minister convicted in cheque case
