ബെംഗളൂരു: നിയന്ത്രണം വിട്ട ടിപ്പർ ലോറി ഇടിച്ച് അമ്പതുകാരി മരിച്ചു. വിജയനഗറിൽ ചൊവ്വാഴ്ചയാണ് അപകടമുണ്ടായത്. ശ്രീരാംപുര സ്വദേശിനിയായ സരോജ (50) ആണ് മരിച്ചത്. കരാർ അടിസ്ഥാനത്തിൽ പഞ്ചായത്തിൽ ശുചിത്വതൊഴിലാളിയായിരുന്നു. ജോലിക്ക് പോകുകയായിരുന്ന സരോജയെ പിന്നിൽ നിന്ന്. വന്ന ടിപ്പർ ഇടിക്കുകയായിരുന്നു. ശിവനഹള്ളി ട്രാഫിക് സിഗ്നലിന് സമീപം രാവിലെ 6.30 ഓടെയാണ് അപകടം നടന്നത്.
അപകടത്തിന് തൊട്ടുപിന്നാലെ, ബിബിഎംപി ജീവനക്കാരും മറ്റു മുനിസിപ്പൽ തൊഴിലാളികളും ചേർന്ന് ഇവരെ സമീപത്തെ ആശുപത്രിയിൽ പ്രവേശിപ്പിച്ചു. എന്നാൽ പരുക്ക് ഗുരുതരമായതിനാൽ ജീവൻ രക്ഷിക്കാനായില്ല. അപകടസ്ഥലത്ത് തടിച്ചുകൂടി ടിപ്പർ ഡ്രൈവറെ പിടികൂടി പോലീസിൽ ഏൽപ്പിച്ചു. സംഭവത്തിൽ വിജയനഗർ ട്രാഫിക് പോലീസ് കേസെടുത്തു.
TAGS: BENGALURU | ACCIDENT
SUMMARY: Woman worker dies after being run over by tipper in Vijayanagar
