ആലപ്പുഴ: കേരളത്തിൽ വിവിധയിടങ്ങളിലുണ്ടായ കനത്തമഴയിലും ശക്തമായ കാറ്റിലും വ്യാപക നാശനഷ്ടം. ആലപ്പുഴയില് തകഴിയില് റെയില്വേ പാളത്തില് മരം വീണതോടെ ട്രെയിനുകള് വൈകി. തിരുവനന്തപുരം, എറണാകുളം ഭാഗത്തേക്കുള്ള ട്രെയിനുകളാണ് വൈകിയോടുന്നത്.
ആലപ്പുഴം,കൊല്ലം, കോട്ടയം ഭാഗങ്ങളിലെ റെയില്വെ ട്രാക്കുകളിലും മരം വീണു. കൊല്ലത്തും ശക്തമായ കാറ്റിലും മഴയിലും വ്യാപക നാശനഷ്ടം. പുലർച്ചെയോടെ തീരദേശ പ്രദേശങ്ങളില് ശക്തമായ കാറ്റ് വീശി. കൊല്ലം ഹാർബർ മേഖലയില് ശക്തമായ കാറ്റ് വീശിയതോടെ മത്സ്യബന്ധന ബോട്ടുകളും വള്ളങ്ങളും കരയ്ക്ക് കയറ്റി.
പത്തനംതിട്ട പന്തളം ചേരിക്കലില് മരം വീണു. കോട്ടയത്ത് മരം വീണ് വ്യാപക നാശം ഉണ്ടായിട്ടുണ്ട്. കോട്ടയം കെഎസ്ആർടിസി സ്റ്റാൻഡ്, പള്ളം, പുതുപ്പള്ളി, എംജി യൂണിവേഴ്സിറ്റി എന്നിവിടങ്ങളിലാണ് മരം വീണത്. തിരുവനന്തപുരത്ത് പൊന്മുടി – വിതുര റോഡില് മരം വീണ് ഗതാഗതം തടസ്സപ്പെട്ടു.
കെഎസ്ആർടിസി ബസ് ഉള്പ്പെടെ നിരവധി വാഹനങ്ങള് കുടുങ്ങിക്കിടക്കുകയാണ്. ഫയർ ഫോഴ്സിൻ്റെ നേതൃത്വത്തില് മരം മുറിച്ചു മാറ്റാനുള്ള ശ്രമം തുടരുകയാണ്. ഇടുക്കിയില് കൊച്ചി – ധനുഷ്കോടി ദേശീയപാതയില് വാളറയ്ക്ക് സമീപം ചീയപ്പാറയിലും മരം വീണ് ഗതാഗതം തടസ്സപ്പെട്ടു.
TAGS : ALAPPUZHA NEWS | RAILWAY STATION | TREES
SUMMARY : A tree fell on the railway track in Alappuzha; Trains are late
WhatsApp
Telegram
