ഗണേശ വിഗ്രഹ നിമജ്ജനത്തിനിടെ സംഘർഷം; നാല് യുവാക്കൾക്ക് പരുക്ക്

ബെംഗളൂരു: ഗണേശ വിഗ്രഹ നിമജ്ജനത്തിനിടെയുണ്ടായ സംഘർഷത്തിൽ നാല് യുവാക്കൾക്ക് പരുക്കേറ്റു. കോപ്പാൾ ഗംഗാവതിയിലെ ഗുണ്ടമ്മ ക്യാമ്പിൽ ഗണേശ നിമജ്ജനത്തിനിടെയാണ് സംഘർഷമുണ്ടായത്. അംബേദ്കർ നഗറിലെ ശിവു, ഗണേഷ്, മഞ്ജു, സാഗർ എന്നിവർക്കാണ് പരുക്കേറ്റത്.

പരിപാടിക്കിടെ രണ്ടു മത വിഭാഗത്തിൽ പെടുന്ന യുവാക്കൾ തമ്മിലുള്ള തർക്കമാണ് ആക്രമണത്തിൽ കലാശിച്ചത്. വിഗ്രഹ നിമജ്ജനവുമായി ബന്ധപ്പെട്ട് ഇരുവിഭാഗവും തമ്മിൽ വാക്കേറ്റമുണ്ടായിരുന്നു. ഇതേതുടർന്ന് ഇരുകൂട്ടരും പരസ്പരം മൂർച്ചയേറിയ ആയുധങ്ങൾ ഉപയോഗിച്ച് ആക്രമിക്കുകയായിരുന്നു. പരുക്കേറ്റവരെ സമീപത്തെ ആശുപത്രിയിലേക്ക് മാറ്റി. സംഘർഷത്തിൽ ഉൾപ്പെട്ട 20 പേർക്കെതിരെ ഗംഗാവതി ടൗൺ പോലീസ് കേസെടുത്തു.

TAGS: KARNATAKA | ATTACK
SUMMARY: Youths attacked during Ganesha immersion in karnataka