തിരുവനന്തപുരം മൃഗശാലയില് നിന്ന് മൂന്ന് ഹനുമാന് കുരങ്ങുകള് കൂടുചാടി. തിങ്കളാഴ്ച രാവിലെ 7 മണിയോടെയാണ് ഇവയെ കാണാതായത്. ഇത് രണ്ടാം തവണയാണ് തിരുവനന്തപുരം മൃഗശാലയില് ഹനുമാന് കുരങ്ങ് ചാടിപ്പോകുന്നത്. നാല് ഹനുമാന് കുരങ്ങുകളാണ് കൂട്ടിലുണ്ടായിരുന്നത്. മൂന്ന് പെണ് കുരങ്ങുകളെയാണ് കാണാതായത്.
തുറന്ന കൂടിന്റെ കിടങ്ങ് ചാടിക്കടന്ന കുരങ്ങുകള് മൃഗശാലാവളപ്പിലെ മരങ്ങളില് കയറിക്കൂടുകയായിരുന്നു. കൂട്ടില് ഇപ്പോള് അവശേഷിക്കുന്നത് ഒരു ആണ് കുരങ്ങ് മാത്രമാണ്. ചാടിപ്പോയ ഹനുമാന് കുരങ്ങുകളെ ഉടന് തന്നെ പിടികൂടാന് കഴിയുമെന്ന് മൃഗശാലാ അധികൃതര് പറഞ്ഞു. കഴിഞ്ഞ വർഷം ജൂണില് ഹനുമാൻ കുരങ്ങ് മൃഗശാല കോംപൗണ്ട് വിട്ട് പുറത്തുപോയിരുന്നു. പത്ത് ദിവസങ്ങള്ക്ക് ശേഷമാണ് ഏറെ പണിപ്പെട്ട് ഹനുമാന് കുരങ്ങിനെ പിടികൂടിയത്.
TAGS : HANUMAN MONKEY | MISSING | ZOO
SUMMARY : Hanuman monkeys jumped from Thiruvananthapuram zoo
