ഐ പി സി ബെംഗളുരു സെന്റര് വണ് വാര്ഷിക കണ്വന്ഷന് സമാപിച്ചു
ബെംഗളുരു: ഇന്ത്യാ പെന്തെക്കോസ്ത് ദൈവസഭ (ഐപിസി) ബെംഗളുരു സെന്റര് വണ് 18-മത് വാര്ഷിക കണ്വന്ഷന് സമാപിച്ചു.
ഹൊറമാവ് അഗര ഐ പി സി ഹെഡ്ക്വാര്ട്ടേഴ്സ് ഓഡിറ്റോറിയത്തില് സംയുക്ത ആരാധനയ്ക്കും തിരുവത്താഴ ശുശ്രൂഷയ്ക്കും സംസ്ഥാന സെക്രട്ടറിയും സെന്റര് വണ് പ്രസിഡന്റുമായ പാസ്റ്റര് ഡോ.വര്ഗീസ് ഫിലിപ്പ് നേതൃത്വം നല്കി.
സംസ്ഥാന പ്രസിഡന്റ് പാസ്റ്റര് കെ.എസ്.ജോസഫ്, പാസ്റ്റര് ഷിബു തോമസ് ( ഒക്കലഹോമ ) എന്നിവര് പ്രസംഗിച്ചു. പാസ്റ്റര് ജോര്ജ് ഏബ്രഹാം അധ്യക്ഷനായിരുന്നു.
ഡിസ്ട്രിക്റ്റ് ക്വയര് ഗാനശുശ്രൂഷ നിര്വഹിച്ചു.
കണ്വെന്ഷനില് ഉപവാസ പ്രാര്ഥന, സോദരി സമാജം സമ്മേളനം, സണ്ഡെസ്കൂള് പി.വൈ.പി.എ വാര്ഷിക സമ്മേളനം എന്നിവ നടത്തി. ബെംഗളുരു സെന്റര് വണ് ഐ പി സി യുടെ കീഴിലുള്ള 23 പ്രാദേശിക സഭകളിലെ ശുശ്രൂഷകരും വിശ്വാസികളും സംയുക്ത ആരാധനയിലും തിരുവത്താഴ ശുശ്രൂഷയിലും പങ്കെടുത്തു.
പാസ്റ്റര് ജോര്ജ് ഏബ്രഹാം ( ജനറല് കണ്വീനര്), പാസ്റ്റര്മാരായ സജി ചക്കുംചിറ, ഡി.സൈറസ് (ജോയിന്റ് കണ്വീനേഴ്സ്), പാസ്റ്റര് ജേക്കബ് ഫിലിപ്പ് (പബ്ലിസിറ്റി കണ്വീനര്) എന്നിവര് കണ്വന്ഷന് നേതൃത്വം നല്കി.
Photo Caption: ഇന്ത്യാ പെന്തെക്കോസ്ത് ദൈവസഭ (ഐപിസി) ബെംഗളുരു സെന്റര് വണ് വാര്ഷിക കണ്വന്ഷന് സമാപന സമ്മേളനത്തില് സംസ്ഥാന സെക്രട്ടിയും സെന്റര് വണ് പ്രസിഡന്റുമായ പാസ്റ്റര് ഡോ.വര്ഗീസ് ഫിലിപ്പ് പ്രസംഗിക്കുന്നു.
