കെഎസ്ആർടിസി ബസും ബൈക്കും കൂട്ടിയിടിച്ച് രണ്ട് മരണം

ബെംഗളൂരു: കെഎസ്ആർടിസി ബസും ബൈക്കും കൂട്ടിയിടിച്ചുണ്ടായ അപകടത്തിൽ രണ്ട് പേർ മരിച്ചു. വെള്ളിയാഴ്ച രാത്രി തുമകുരു തിപ്തൂർ താലൂക്കിലെ അൽബുരുവിന് സമീപമാണ് അപകടമുണ്ടായത്. ബിദരെക്കെരെ സ്വദേശികളായ യോഗേഷ് (23), ദയാനന്ദ് (25) എന്നിവരാണ് മരിച്ചത്.

ഇരുവരും ഓട്ടോമൊബൈൽ ഗാരേജിലെ ജീവനക്കാരായിരുന്നു. ബിദരെക്കെരെയിൽ നിന്ന് തുരുവേക്കരെയിലേക്ക് ഇരുവരും ബൈക്കിൽ പോകുമ്പോഴാണ് അപകടം നടന്നത്. എതിർദിശയിൽ നിന്ന് വരികയായിരുന്ന കെഎസ്ആർടിസി ബസിലേക്ക് നിയന്ത്രണം വിട്ട ബൈക്ക് ഇടിക്കുകയായിരുന്നു. സംഭവത്തിൽ തിപ്തൂർ പോലീസ് കേസെടുത്തു.

TAGS: ACCIDENT
SUMMARY: Two dead after motorcycle collides with KSRTC