കൊച്ചി: മുനമ്പം ഭൂസംരക്ഷണ സമിതി നേതാക്കളുമായി കൂടിക്കാഴ്ച നടത്താന് കേന്ദ്രമന്ത്രി കിരണ് റിജിജു ഇന്ന് മുനമ്പം സമരപ്പന്തലില് എത്തും. എന്ഡിഎ സംഘടിപ്പിക്കുന്ന അഭിനന്ദന് സഭ എന്ന പരിപാടിയുടെ ഭാഗമായാണ് സന്ദര്ശനം. ബി.ജെ.പി സംസ്ഥാന പ്രസിഡന്റ് രാജീവ് ചന്ദ്രശേഖർ, ബി.ഡി.ജെ.എസ് പ്രസിഡന്റ് തുഷാർ വെള്ളാപ്പിള്ളി തുടങ്ങിയവരും പരിപാടിയില് പങ്കെടുക്കുമെന്ന് ബി.ജെ.പി സിറ്റി ജില്ലാ പ്രസിഡന്റ് അഡ്വ. കെ.എസ്. ഷൈജു അറിയിച്ചു.
രാവിലെ 11.20 ന് നെടുമ്പാശേരി വിമാനത്താവളത്തില് എത്തുന്ന മന്ത്രി വരാപ്പുഴ അതിരൂപത ആസ്ഥാനത്തെത്തി മേജര് ആര്ച്ച് ബിഷപ്പ് ഡോ.ജോസഫ് കളത്തിപറമ്പിലുമായി കൂടിക്കാഴ്ച നടത്തും. എറണാകുളം താജ് വിവാന്തയിലെ വാര്ത്ത സമ്മേളനത്തിനുശേഷം അഞ്ചുമണിയോടുകൂടിയായിരിക്കും മുനമ്പം സമരപ്പന്തലില് മന്ത്രി എത്തുക. നിയമഭേദഗതിക്ക് പിന്നാലെ മുനമ്പം നിവാസികളായ 50 ഓളം പേര് ബിജെപിയില് ചേര്ന്നിരുന്നു.
<BR>
TAGS : KIRAN RIJIJU | MUNAMBAM ISSUE | WAQF ISSUE
SUMMARY : Union minister Kiren Rijiju to munambam today; Meeting with the leaders of the strike committee
