ബെംഗളൂരു: അത്യാധുനിക എഐ ടൂളുകളും ത്രീ ഡി സോഫ്റ്റ് വെയറും ഉപയോഗിച്ച് ദൃശ്യാവിഷ്കാരം ഒരുക്കിയ മലയാള ക്രിസ്തീയ ഭക്തിഗാനം ‘ഉത്ഥിതനായ്’ ശ്രദ്ധയാകര്ഷിക്കുന്നു. ദൃശ്യസാങ്കേതികവിദ്യ മികച്ച രീതിയിലാണ് ഗാന പാശ്ചത്തലത്തില് സമന്വയിപ്പിച്ചിരിക്കുന്നത്.
മിനി പുളിക്കലിന്റെ വരികള്ക്ക് ജോഷി ഉരുളിയാനിക്കല് ആണ് ഈണം നല്കിയത്. പ്രശസ്ത പിന്നണി ഗായകന് ഷെര്ദിന് തോമസ് ആണ് ഗാനം ആലപിച്ചത്. ട്രീസ, റോജ ജസ്റ്റിന്, സ്റ്റെല്ല മാര്ട്ടിന് എന്നിവര് കോറസ് പാടിയിരിക്കുന്നു.
ജെറി പ്രവീണ് ആണ് നിര്മാണം. തിരുവനന്തപുരം ആസ്ഥാനമായ ഹെറാൾഡ് ഗ്രൂപ്പിന്റെ നേതൃത്വത്തിലാണ് ദൃശ്യാവിഷ്കാരം നടത്തിയത്. എഐ സാങ്കേതിക വിദ്യയിലൂടെ ഒരു ക്രിസ്തീയ ഭക്തിഗാനത്തിന് ആദ്യമായാണ് ദൃശ്യാവിഷ്കാരം നല്കുന്നതെന്ന് അണിയറ പ്രവര്ത്തകര് പറയുന്നു.
ഗാനം കേള്ക്കാം:
