തൃശൂർ: തൃശൂരില്‍ തെരുവ് നായ ആക്രമണം. ആക്രമണത്തില്‍ രണ്ട് വയസ്സുകാരന്‍ ഉള്‍പ്പെടെ ഏഴു പേര്‍ക്ക് പരുക്കേറ്റു. ഇന്ന് രാവിലെയാണ് വിവിധ തൃശൂരിലെ കേന്ദ്രങ്ങളില്‍ തെരുവ് നായ ആക്രമണം നടന്നത്. വീട്ടുമുറ്റങ്ങളിലേക്ക് ഓടിയെത്തി വയോധികര്‍ ഉള്‍പ്പെടെയുള്ളവരെ കടിച്ചു പരുക്കേല്‍പ്പിച്ചു.
കൂടാതെ വഴിയരികിലൂടെ നടന്നുപോയ തൊഴിലുറപ്പ് തൊഴിലാളികള്‍ ഉള്‍പ്പെടെയുള്ള കാല്‍നട യാത്രികരെയും ആക്രമിച്ചു. പരുക്കേറ്റവര്‍ തൃശൂര്‍ മെഡിക്കല്‍ കോളേജ് ആശുപത്രിയിലും വടക്കാഞ്ചേരി ജില്ലാ ആശുപത്രിയിലും ചികിത്സ തേടി.
പാറക്കുന്ന് വീട്ടില്‍ അമ്മിണി(70) , പേരക്കുട്ടിയായ രണ്ട് വയസ്സുകാരൻ, ചൂണ്ടല്‍ വീട്ടില്‍ ബേബി (55), പുത്തൻവീടികയില്‍ വീട്ടില്‍ കുഞ്ഞിമ്മ( 60), തൊഴിലുറപ്പ് തൊഴിലാളിയായ പ്ലാക്കില്‍ വീട്ടില്‍ റഹ്മത്ത് (58), ചീനിക്ക പറമ്ബില്‍ വീട്ടില്‍ അബ്ദുറഹ്മാൻ(65), ഭാർഗവി (65) എന്നിവർക്കാണ് കടിയേറ്റത്.
TAGS : LATEST NEWS
SUMMARY : Stray dog attack; seven people injured
