ഗവര്‍ണറുടെ അധികാരങ്ങള്‍ പാഠപുസ്തകത്തില്‍ ഉള്‍പ്പെടുത്തും; മന്ത്രി വി ശിവൻകുട്ടി

തിരുവനന്തപുരം: ഗവർണറുടെ ചുമതലകള്‍ പാഠ‍്യവിഷയമാക്കാനൊരുങ്ങി വിദ‍്യാഭ‍്യാസ മന്ത്രി വി. ശിവൻകുട്ടി. ഗവർണറുടെ ഭരണഘടനാപരമായ അധികാരങ്ങള്‍‌ പാഠപുസ്തകത്തില്‍ ഉള്‍പ്പെടുത്തുാൻ തീരുമാനിച്ചതായി മന്ത്രി അറിയിച്ചു. ഈ വർഷത്തെ പത്താം ക്ലാസ് പാഠപുസ്തകത്തിലായിരിക്കും വിഷയം ഉള്‍പ്പെടുത്തുന്നത്.

കൂടാതെ പ്ലസ് വണ്‍, പ്ലസ് ടു ക്ലാസുകളിലെ പാഠപുസ്തകങ്ങള്‍ പുതുക്കാൻ തീരുമാനിച്ചിട്ടുണ്ടെന്നും പുതുക്കുന്ന അവസരത്തില്‍ എവിടെയെല്ലാം ഗവർണറുടെ ചുമതലകള്‍ ഉള്‍പ്പെടുത്താൻ സാധിക്കുമോ അവിടെയെല്ലാം ഉള്‍പ്പെടുത്തുമെന്നും മന്ത്രി കൂട്ടിച്ചേർത്തു. അതേസമയം ഭാരതാംബയെ വണങ്ങണമെന്ന് വിദ‍്യാർഥികളോട് ഗവർണർ ഉപദേശിച്ചത് തിരുത്തണമെന്നും മന്ത്രി ആവശ‍്യപ്പെട്ടു.

SUMMARY: Governor’s powers will be included in textbooks; Minister V Sivankutty