ബെംഗളൂരു: മറ്റ് സംസ്ഥാനങ്ങളിലേക്ക് സ്ഥലം മാറിയെത്തുന്ന ജീവനക്കാർക്ക് അതത് സംസ്ഥാനങ്ങളിലെ ഭാഷ അറിയാത്തത് പലപ്പോഴും ബുദ്ധിമുട്ട് സൃഷ്ടിക്കാറുണ്ട്. ചിക്കമഗളൂരുവിലെ ബാങ്കില് ഇടപാടിനെത്തിയ പ്രദേശവാസിയായ യുവതി ഭാഷപ്രശ്നത്താല് ബുദ്ധിമുട്ടുന്ന ദൃശ്യങ്ങള് സമൂഹമാധ്യമങ്ങളില് പ്രചരിക്കുകയാണ്.
One more incident of Local Language Issue in Government Banks in India. Canara Bank Employee asked to speak on Kannada Language. @canarabank pic.twitter.com/uMJrTQlSjk
— Hellobanker (@Hellobanker_in) July 5, 2025
ബാങ്കിലെത്തിയ യുവതി ഉദ്യോഗസ്ഥയോട് കന്നഡയിൽ സംസാരിച്ചെങ്കിലും ഉദ്യോഗസ്ഥയ്ക്ക് കന്നഡ അറിയാത്തതിനെ തുടർന്ന് ഇംഗ്ലീഷില് മറുപടി നല്കിയതാണ് പ്രശ്നമായത്. തനിക്ക് കന്നഡയില് സംസാരിക്കാന് അറിയില്ലെന്നും ഇംഗ്ലീഷിൽ മറുപടി പറയാം എന്നും ബാങ്ക് ഉദ്യോഗസ്ഥ പറഞ്ഞെങ്കിലും ഇടപാടുകാരിയായ യുവതി തനിക്ക് ഇംഗ്ലീഷ് അറിയില്ലെന്നും മറുപടി നൽകി. അക്കൗണ്ടില് നിന്നും അപ്രതീക്ഷിതമായി പണം നഷ്ടപ്പെട്ടതിനെ കുറിച്ച് അന്വേഷിക്കാനാണ് യുവതി ബാങ്കിലെത്തിയത്. യുവതി പറയുന്നത് എന്താണെന്ന് മനസിലാക്കാന് കഴിയുന്നില്ലെന്നാണ് മലയാളിയായ ബാങ്ക് ഉദ്യോഗസ്ഥ പറയുന്നത്.
ചിക്കമഗളുരുവിലെ എഐടി സര്ക്കിള് കനാറ ബാങ്ക് ബ്രാഞ്ചിലാണ് സംഭവം. ഇരുവരുടെയും സംഭാഷണങ്ങളുടെ ദൃശ്യങ്ങൾ പ്രചരിച്ചതോടെ കന്നഡ സേന അടക്കമുള്ള പ്രാദേശിക കന്നഡ ഭാഷാ സംഘടനകൾ വിമർശനവുമായി രംഗത്തെത്തി. ഗ്രാമീണ മേഖലയിൽ ഹിന്ദിയോ ഇംഗ്ലീഷ് സംസാരിക്കാൻ സാധിക്കാത്ത സാധാരണക്കാർക്കും കൃഷി ഉപജീവനമായിരിക്കുന്നവർക്കും ബാങ്കിംഗ് സേവനങ്ങൾ ലഭിക്കാൻ ജീവനക്കാരുടെ ഭാഷാപരിമിതി പ്രശ്നമാകുന്നതായി അവർ ചൂണ്ടിക്കാണിച്ചു. കന്നഡ സംസാരിക്കാൻ അറിയുന്ന ജീവനക്കാരെ ബാങ്കുകൾ നിയമിക്കണമെന്നും ഇവർ ആവശ്യപ്പെട്ടു.
സംഭവം ചര്ച്ചയായതോടെ വിശദീകരണവുമായി ബാങ്ക് രംഗത്തെത്തി. ഔദ്യോഗിക എക്സ് ഹാൻഡിലിൽ പുറത്തിറക്കിയ പ്രസ്താവനയിൽ “കന്നഡ ഞങ്ങളുടെ അടിത്തറയാണ്, നിങ്ങളുടെ പിന്തുണ ഞങ്ങളുടെ ശക്തിയാണ്. കനറാ ബാങ്കിന് കർണാടക ഒരു സംസ്ഥാനം മാത്രമല്ല, അത് ഞങ്ങളുടെ ജന്മനാടാണ്. കന്നഡ ഞങ്ങൾക്ക് ഒരു ഭാഷ മാത്രമല്ല, അതൊരു വികാരമാണ്, അഭിമാനമാണ്. സംസ്ഥാനത്തെ ഓരോ ശാഖയിലും പ്രാദേശിക ഭാഷയിൽ സേവനങ്ങൾ നൽകാൻ ഞങ്ങൾ പ്രതിജ്ഞാബദ്ധരാണ്” എന്നും ബാങ്ക് അറിയിച്ചു. ഇന്ത്യയുടെ ബഹുഭാഷാ സ്വഭാവം കാരണം ചിലപ്പോൾ മറ്റ് സംസ്ഥാനങ്ങളിൽ നിന്നുള്ള ജീവനക്കാരെ നിയമിക്കേണ്ടിവരാറുണ്ടെന്നും ബാങ്ക് അധികൃതര് വ്യക്തമാക്കി.
SUMMARY: The officer’s reply to the woman who arrived at the bank was in English, the woman said that she should speak in Kannada and that she did not know English.
