ബെംഗളൂരു: സിങ്കപ്പൂരിൽ നിന്നു ചെഞ്ചെവിയൻ ആമകളെ (റെഡ് ഇയേഡ് സ്ലൈഡർ ടർട്ടിൽ) കടത്താൻ ശ്രമിച്ച യുവാവ് ബെംഗളൂരു വിമാനത്താവളത്തിൽ അറസ്റ്റിൽ. തമിഴ്നാട് തഞ്ചാവൂർ സ്വദേശി അടിയക്കലസ്വാമി വടിവേലാണ്(26) കസ്റ്റംസിന്റെ പിടിയിലായത്.
ഇയാളുടെ ബാഗിൽ 2547 ആമകളുണ്ടായിരുന്നു. ഇതിൽ 517 എണ്ണം ശ്വാസം മുട്ടി ചത്ത നിലയിലായിരുന്നു. രാജ്യാന്തര വന്യജീവി കടത്തു റാക്കറ്റിലെ കണ്ണിയാണ് ഇയാളെന്ന് അധികൃതർ അറിയിച്ചു.
വിമാനത്താവളത്തിനു പുറത്തു കാത്തുനിൽക്കുന്നയാൾക്കു കൈമാറാനാണ് ഇവയെ കൊണ്ടുവന്നതെന്നു ഇയാൾ മൊഴി നൽകി. ജീവനുള്ള ആമകളെ സിങ്കപ്പൂരിലേക്കു തിരിച്ച അയയ്ക്കാൻ നടപടികൾ ആരംഭിച്ചതായി അധികൃതർ വ്യക്തമാക്കി.
SUMMARY: Customs nab a youth for carrying 2547 red-eared slider turtles from Singapore.
