കൊച്ചി: ആലുവയിലെ ലോഡ്ജ് മുറിയിൽ യുവതിയെ ആൺസുഹൃത്ത് കഴുത്തിൽ ഷോൾ മുറുക്കി കൊലപ്പെടുത്തി. കൊല്ലം കുണ്ട സ്വദേശി അഖിലയാണ് കൊല്ലപ്പെട്ടത്. ആൺസുഹൃത്ത് നേര്യമംഗലം സ്വദേശി ബിനുവിനെ പൊലീസ് കസ്റ്റഡിയിലെടുത്തു.
ഇന്നലെ അർധരാത്രിയോടെയാണ് കൊലപാതകം നടന്നത്. ആലുവയിലെ തോട്ടുങ്ങൽ എന്ന ലോഡ്ജിൽ ബിനു റൂമെടുക്കുകയായിരുന്നു. പിന്നാലെ അഖിലയും എത്തി. എന്നാൽ തുടർന്ന് ഇരുവരും തമ്മിൽ വാക്കുതർക്കമുണ്ടായി. വിവാഹം കഴിക്കണമെന്ന് അഖില ആവശ്യപ്പെട്ടതാണ് തർക്കത്തിനു കാരണമായത്. തർക്കം മൂർഛിച്ചതോടെ ബിനു, അഖിലയുടെ കഴുത്തിൽ ഷോൾ മുറുക്കി കൊലപ്പെടുത്തുകയായിരുന്നുവെന്ന് പൊലീസ് പറയുന്നു.
കൊലപാതകത്തിനു ശേഷം സുഹൃത്തുക്കളെ ഫോണിൽ വിളിച്ച ബിനു അഖിലയെ കൊലപ്പെടുത്തിയെന്ന് പറഞ്ഞു. ഒപ്പം മൃതദേഹം വിഡിയോ കോളിലൂടെ കാണിക്കുകയും ചെയ്തു. ഇതു കണ്ട് പരിഭ്രാന്തരായ സുഹൃത്തുക്കളിലൊരാളാണ് ആലുവ പൊലീസിനെ വിവരമറിയിച്ചത്. തുടർന്ന് പൊലീസെത്തി ബിനുവിനെ കസ്റ്റഡിയിലെടുത്തു.
ബിനുവും അഖിലയും ഇടയ്ക്കിടെ ലോഡ്ജിലെത്തി താമസിക്കാറുണ്ടെന്നാണ് ജീവനക്കാർ നൽകുന്ന വിവരം
SUMMARY: Women murdered at Aluva lodge, boy friend arrested
