ബെംഗളൂരു: രാമനഗരയിലെ ബാംഗ്ലൂര്‍ യൂണിവേഴ്സിറ്റി ശാഖയിലെ ബിരുദാനന്തര ബിരുദ വിഭാഗത്തില്‍ ഗസ്റ്റ് ലക്ചററായ യുവതിയെ ലൈംഗികമായി പീഡിപ്പിച്ചുവെന്ന പരാതിയിൽ അഞ്ച് ഗസ്റ്റ് ലക്ചറർമാർക്കെതിരെ കേസ്. സ്വരൂപ് കുമാർ, രാമഞ്ജനേയ ബി.കെ, രംഗസ്വാമി, ജഗന്നാഥ കെ., ശിവാരായ് എന്നിവര്‍ക്കെതിരെയാണ് പോലീസ് കേസെടുത്തത്.
രാം ആഞ്ജനേയ തന്നെ മാനസികമായി പീഡിപ്പിച്ചിട്ടുണ്ടെന്നും തന്നെക്കുറിച്ച് തെറ്റായ വിവരങ്ങൾ പറഞ്ഞു പരത്തിയതായും തനിക്കെതിരെ തെറ്റായ ആരോപണങ്ങൾ ഉന്നയിച്ച് ഗസ്റ്റ് ലക്ചറർ സ്ഥാനത്ത് നിന്ന് പുറത്താക്കുകയും ചെയ്തതായി യുവതി പരാതിയിൽ പറയുന്നു. ജോലിയിൽ തുടരണമെങ്കില്‍ തങ്ങള്‍ക്ക് വഴങ്ങാന്‍ ആവശ്യപ്പെട്ടതായും വിസമ്മതിച്ചാൽ കൊല്ലുമെന്ന് ഭീഷണിപ്പെടുത്തിയതായും പരാതിയില്‍ പറയുന്നു.
SUMMARY: Case filed against guest lecturers for sexually harassing female guest lecturer
