ബെംഗളൂരു: ഓണം നന്മയുടെ സമത്വത്തിൻ്റെ, സാഹോദര്യത്തിൻ്റെ പ്രതീകമാണെന്നും കാലത്തിൻ്റെ മാറ്റത്തിൽ പഴയ ഓണമുഖം മാറിയെങ്കിലും ഓരോ മലയാളി ഹൃദയങ്ങളും ഓണത്തിൻ്റെ തനിമ സൂക്ഷിക്കുന്നുവെന്നും ഓണസദ്യയ്ക്കും ഓണക്കളികൾക്കുമപ്പുറം മനുഷ്യൻ്റെ ഒരുമയെ വിളംബരം ചെയ്യുന്നതാണ് ഓണാഘോഷമെന്നും ക്രൈസ്റ്റ് യൂണിവേഴ്സിറ്റി ഇംഗ്ലീഷ് പ്രൊഫസറും, എഴുത്തുകാരിയുമായ ഡോ. അജിത കൃഷ്ണപ്രസാദ് അഭിപ്രായപ്പെട്ടു. ജാലഹള്ളി നോർത്ത് വെസ്റ്റ് കേരള സമാജം ഹാളിൽ വെച്ച് നടന്ന ധ്വനി വനിതാ വേദിയുടെ ഓണാഘോഷത്തിൽ മുഖ്യപ്രഭാഷണം നടത്തുകയായിരുന്നു അവർ.
ഇന്ദിരാ ബാലൻ അധ്യക്ഷത വഹിച്ച യോഗത്തിൽ പ്രസിഡണ്ട് രേണുക വിജയനാഥ് സ്വാഗതം പറഞ്ഞു. സബിത അജിത് അതിഥിപരിചയം നടത്തി. രശ്മി രാജ് നന്ദി പറഞ്ഞു. പൂക്കളത്തിനും ഓണസദ്യക്കുമൊപ്പം ധ്വനി അംഗങ്ങളുടേയും കുട്ടികളുടെയും വിവിധ കലാപരിപാടികളും അരങ്ങേറി.
SUMMARY: Onam celebration of the Dhvani Women’s Forum
