ബെംഗളൂരു: പ്രോഗ്രസീവ് ആർട്സ് ആൻഡ് കൾച്ചറൽ അസോസിയേഷന് ഓണാഘോഷം യെലഹങ്ക റെയിൽ വീൽ ഫാക്ടറി എംപ്ലോയീസ് ഇൻസ്റ്റിറ്റ്യൂട്ടിൽ നടന്നു. എസ്ആർ വിശ്വനാഥ് എംഎൽഎ, ഷിബു മുഹമ്മദ് പി.സി.പി. ഒ. റെയിൽ വീൽ ഫാക്ടറി, പ്രസിഡന്റ് ബി ജയകുമാർ, സെക്രട്ടറി ജോജു വർഗീസ്, സ്ത്രീ സാഹിതി സാരഥികൾ രജനി ജയപ്രകാശ്, ലാലി ജോജു, സീതാരാമൻ എന്നിവർ ചേർന്ന് ഭദ്രദീപം കൊളുത്തി ആഘോഷങ്ങൾക്ക് തുടക്കം കുറിച്ചു. മലയാളം മിഷന് കോര്ഡിനേറ്റര് ബുഷ്റ പുതിയവളപ്പില്, ഐയ്മ ദേശീയ പ്രസിഡന്റ് ബിനു ദിവാകരന് എന്നിവര് പങ്കെടുത്തു.
അസോസിയേഷൻസ് സ്ത്രീ സാഹിതി, നക്ഷത്രക്കൂട്ടം എന്നീ ഗ്രൂപ്പുകളുടെ ഉദ്ഘാടനവും ലോഗോ പ്രകാശനവും എംഎൽഎ വിശ്വനാഥ് നിർവഹിച്ചു. പൂക്കള മത്സരത്തിൽ ഷാജി ആൻഡ് ടീം വൈറ്റ്ഫീൽഡ്, ഗിരീഷ് ആൻഡ് ടീം യലഹങ്ക, അജേഷ് ആൻഡ് ടീം യളഹങ്ക എന്നി ടീമുകൾക്ക് ഒന്നും രണ്ടും മൂന്നും സ്ഥാനങ്ങൾ ലഭിച്ചു. വിവിധ ഏജ് ഗ്രൂപ്പിലുള്ള കുട്ടികളുടെ ഡ്രോയിങ് മത്സരവും ഉണ്ടായിരുന്നു. ഒറ്റപ്പാലം ടീം അവതരിപ്പിച്ച വർണ്ണോത്സവം മെഗാ ഷോയും അരങ്ങേറി.
SUMMARY: Progressive Arts and Cultural Association Onam Celebration
