ബെംഗളൂരു: ദീപാവലി ആഘോഷത്തോടനുബന്ധിച്ചുള്ള യാത്രാതിരക്ക് കണക്കിലെടുത്ത് കർണാടക ആർടിസി അയൽ സംസ്ഥാനങ്ങളിലേക്കുൾപ്പെടെ അധിക സർവീസുകൾ പ്രഖ്യാപിച്ചു. ഒക്ടോബർ 17 നും 20 നും ഇടയിൽ ബെംഗളൂരുവിൽ നിന്ന് സംസ്ഥാനത്തുടനീളമുള്ള വിവിധ സ്ഥലങ്ങളിലേക്കും അയൽസംസ്ഥാനങ്ങളിലേക്കും 2,500 അധിക ബസുകൾ സർവീസ് നടത്തും. ഒക്ടോബർ 22 നും 26 നും ബെംഗളൂരുവിലേക്കുള്ള മടക്ക സർവീസുകളും ലഭ്യമാകും.
പാലക്കാട്, തൃശൂർ, എറണാകുളം, കോഴിക്കോട് തുടങ്ങിയ നഗരങ്ങളിലേക്കും സർവീസ് നടത്തും. കേരളത്തിലേക്കുള്ള സ്പെഷൽ ബസുകൾ ശാന്തിനഗർ ബിഎംടിസി ടെർമിനലിൽ നിന്ന് പുറപ്പെടും.
ധർമ്മസ്ഥല, കുക്കേസുബ്രഹ്മണ്യ, ശിവമോഗ, ഹാസൻ, മംഗളൂരു, കുന്ദാപുര, ശൃംഗേരി, ഹൊറനാട്, ദാവണഗരെ, ഹുബ്ബാലി, ധാർവാഡ്, ബെലഗാവി, വിജയപുര, ഗോകർണ, കർവാർ, കരവാർ, സിരാരി, ബെംഗളൂരുവിവിലെ കെംപെഗൗഡ ബസ് സ്റ്റേഷനിൽ നിന്ന് പ്രത്യേക ബസുകൾ പുറപ്പെടും. കൊപ്പള, യാദ്ഗിർ, ബിദാർ, തിരുപ്പതി, വിജയവാഡ, ഹൈദരാബാദ് കൂടാതെ, മൈസൂരു, ഹുൻസൂർ, പിരിയപട്ടണ, വിരാജ്പേട്ട്, കുശാലനഗർ, മടിക്കേരി എന്നിവിടങ്ങളിലേക്കും സർവീസ് നടത്തും, മധുര, കുംഭകോണം, ചെന്നൈ, കോയമ്പത്തൂർ, തിരുച്ചി തുടങ്ങിയ നഗരങ്ങളിലേക്കും സർവീസ് നടത്തും.
അതേസമയം, നാലോ അതിലധികമോ യാത്രക്കാരുടെ ഗ്രൂപ്പ് ബുക്കിംഗുകൾക്ക് 5% കിഴിവും രണ്ട് യാത്രകളും ഒരേസമയം ബുക്ക് ചെയ്താൽ റിട്ടേൺ ടിക്കറ്റുകളിൽ 10% കിഴിവും നല്കുന്നുണ്ട്.
SUMMARY: Diwali rush; Karnataka with 2500 special buses
