ഡൽഹി: ഡൽഹി വിമാനത്താവളത്തില്‍ നിന്ന് ഇൻഡിഗോ വിമാനത്തില്‍ യാത്രക്കാരന്റെ പവർ ബാങ്കിന് തീപിടിച്ചു. 6 ഇ 2107 എന്ന ഇൻഡിഗോ വിമാനത്തിലാണ് യാത്രക്കാരെ ഏറെനേരം ആശങ്കയിലാഴ്ത്തിയ സംഭവം നടന്നത്. വിമാനം ടേക്ക് ഓഫ് ചെയ്യാനായി റണ്‍വേയിലേക്ക് നീങ്ങുന്നതിനിടെയാണ് യാത്രക്കാരന്റെ പവർ ബാങ്കിന് തീപിടിച്ചത്.
സംഭവം ഉണ്ടായ ഉടനെ വിമാനത്തിന്റെ ക്യാബിൻ ക്രൂ അംഗങ്ങള്‍ എത്തി തീയണയ്ക്കാനുള്ള ഉപകരണങ്ങള്‍ ഉപയോഗിച്ച്‌ തീ പൂർണമായും നിയന്ത്രണ വിധേയമാക്കി. പവർ ബാങ്കിന് തീപിടിച്ചത് കുറച്ച്‌ നേരമെങ്കിലും യാത്രക്കാരില്‍ പരിഭ്രാന്തിയും ആശങ്കയും ഉണ്ടാക്കിയെങ്കിലും വിമാനത്തിലെ ജീവനക്കാരുടെ സമയബന്ധിതമായ ഇടപെടല്‍ മൂലം ആളുകള്‍ ശാന്തരായി. സംഭവത്തില്‍ യാത്രക്കാരെല്ലാവരും സുരക്ഷിതരാണെന്ന് വിമാന കമ്പനിയുമായി ബന്ധപ്പെട്ട വൃത്തങ്ങള്‍ അറിയിച്ചു.
SUMMARY: Passenger’s power bank catches fire on IndiGo flight in Delhi
